بیلتھنگڈی، 7؍اکتوبر (ایس او نیوز)مبینہ طورپر جنگل سے لکڑیاں چوری کرنے کے الزام میں ایک بڑھئی (کارپینٹر) کی بے رحمانہ پیٹائی کے بعد عوامی احتجاج اور دباؤ کے نتیجے میں اجیرے ڈپٹی رینج فاریسٹ افیسر کیرتن شیٹی کا تبادلہ پتور میں کردیا گیا ہے۔

بیلتھنگڈی کے ایم ایل اے مسٹر بنگیرا پر علاقے کے عوام نے مسلسل دباؤ بنایا ہوا تھا کہ آر ایف او کیرتن شیٹی کو فوراً معطل کیا جائے جس نے مذکورہ کارپینٹر پر جان لیوا حملہ کیا ہے جبکہ وہ شخص کیرتن شیٹی کے علاقے اور حدود میں رہتا بھی نہیں ہے۔احتجاجی مظاہرے کے دوران ایم ایل اے بنگیرا نے خاطی فاریسٹ افیسر کو تین دن کے اندر اس علاقے سے ہٹانے کا وعدہ کیا تھا۔