بھٹکل بینکوں کے انتخابات میں بھی سیاست ہوگئی داخل؛ ایک طرف حالیہ رکن اسمبلی اور دوسری طرف سابق رکن اسمبلی کے حمایتیوں کی جیت

Source: S.O. News Service | By I.G. Bhatkali | Published on 20th August 2018, 11:45 AM | ساحلی خبریں |

بھٹکل 20/اگست (ایس او نیوز) بینکوں میں ڈائرکٹرس کے انتخاب کے لئے لوگ ہمیشہ اچھے اور تعلیم یافتہ لوگوں کو  منتخب کیا کرتے تھے اور اس طرح کے انتخابات میں سیاسی لیڈران کا کوئی عمل دخل نہیں ہوا کرتا تھا، مگر اس بار بھٹکل کے دو بینکوں میں ہوئے انتخابات میں پرانی روایات کا خاتمہ ہوگیا اور دو بڑی سیاسی پارٹیوں کے درمیان زبردست گھماسان نظر آیا۔

پی ایل ڈی بینک میں ایک طرف بھٹکل کے بی جے پی رکن اسمبلی سنیل نائک اور ان کی پارٹی کے کارکنوں نے شاندار جیت درج کی تو جنتا کو آپریٹیو سوسائٹی میں ہوئے انتخابات میں سابق رکن اسمبلی (کانگریس) منکال وئیدیا اور ان کی پارٹی کے کارکنوں نے شاندار کامیابی حاصل ہوئی۔

انتخابات 19/اگست کو صبح نو بجے سے شام چار بجے تک منعقد ہوئے تھے، جس کے نتائج کا اعلان رات قریب گیارہ بجے   کیا گیا۔

پی ایل ڈی بینک کے انتخابات  گرو سدھیندرا کالج میں اور جنتا بینک کے انتخابات نیو انگلش اسکول میں منعقد کئے گئے تھے۔

ذرائع سے ملی اطلاع کے مطابق پی ایل ڈی بینک کے جملہ 7752 شئیر ہولڈرس کو15 ڈائرکٹروں کا انتخاب کرنا تھا جس کے لئے 45 اُمیدوار میدان میں تھے۔یہاں 80 فیصد پولنگ ریکارڈ کی گئی ہے، اسی طرح جنتا بینک میں جملہ 6553 شئیر ہولڈروں کو13 ڈائرکٹروں کا انتخاب کرنا تھا جس کے لئے 28  اُمیدوارمیدان میں تھے۔ یہاں صرف 3198 شئیر ہولڈروں نے ہی اپنی حق رائے دہی کا استعمال کیا  یعنی صرف 48 فیصد پولنگ ریکارڈ کی گئی۔

پی ایل ڈی بینک میں بھٹکل کے رکن اسمبلی سنیل نائک سمیت 14 بی جے پی سے تعلق رکھنے والے کارکن ڈائرکٹرس منتخب ہوئے ہیں، یہاں کانگریس کے صرف ائیرپّا گرڈیکر کو کامیابی حاصل ہوئی ہے۔ ایسی صورت میں یہاں سنیل نائک کا صدر بننا تقریبا طئے ہے۔ خیال رہے کہ اس سے پہلے بھی سنیل نائک پی ایل ڈی بینک کے صدر تھے، مگر بعد میں انہیں عدم اعتماد کی تحریک پیش کرتے ہوئے صدارتی عہدہ سے ہٹادیا گیا تھا اوردیوی داس نائک کو صدرمنتخب کیا گیا تھا، بعد میں دیوی داس نائک کو بھی کسی وجہ سے  صدر کے عہدہ سے ہٹادیا گیا تھا  ، جس کے بعد نائب صدرمہیش نائک ہی چارج سنبھال رہے تھے۔

جنتا کو آپریٹیو سوسائٹی میں سابق رکن اسمبلی منکال وئیدیا کے ساتھ ساتھ  کانگریس سے تعلق رکھنے والے 12 ڈائرکٹروں کا انتخاب عمل میں آیا ہے، یہاں بی جے پی کے صرف کرشنا نائک جیت درج کرنے میں کامیاب رہے ہیں۔ یہاں منکال وئیدیا کے لئے صدارتی انتخاب میں کامیابی حاصل کرنے کی راہ بالکل صاف ہے۔

اتوار صبح نو بجے سے شام چار بجے تک انتخابات ہوئے تھے، انتخابی کاروائی  کو صاف شفاف طریقہ سے انجام دینے پی ایل ڈی بینک میں    بھاسکر نائک کو انتخابی آفسر اور جنتا بینک میں جے کے بھٹ کو انتخابی آفسر کی ذمہ داری سونپی گئی تھی۔

پولنگ کے موقع پر کچھ جگہوں پر بی جے پی اور کانگریسی حامیوں کے درمیان کچھ دیر کے لئے  زبانی جھڑپوں کی وارداتیں بھی پیش آئیں  اور دونوں بینکوں کے انتخابات کے موقع پر دونوں پارٹیوں کے کارکن پولنگ بوتھ کے باہر  بڑی تعداد میں نظر آئے، ایسے میں پولس کا بھی مناسب انتظام کیا گیا تھا جس کے چلتے  پولنگ پُرامن رہی۔

جنتا بینک میں ڈائرکٹڑوں کے انتخابات کے لئے اپنی حق رائے دہی کا استعمال کرنے کمٹہ رکن اسمبلی دینکر شٹی اور  ونائک پربھو کو بھی دیکھا گیا۔

ایک نظر اس پر بھی

بھٹکل میں والوو بس کی درخت سے ٹکر؛ ٹہنی گرکر بس کے اندر گھس گئی؛ایک کی موقع پر موت

مینگلور سے مسافروں کو بھر کر بھٹکل بس اسٹائنڈ پر اُتارنے کے بعد والوو بس کو  ڈپو میں لے جانے کے دوران  ساگر روڈ پر  واقع ایک درخت کی ٹہنی سے ٹکراجانے کے نتیجے میں  بس کنڈیکٹر کی موقع پر ہی موت واقع ہوگئی جس کی شناخت پنچیّا مٹاپتی (35) کی حیثیت سے کی گئی ہے۔

بھٹکل : شمس مونٹسری کے معصوم بچے چاچا نہرو کے بھیس میں :طلبا کی تخلیقی صلاحیتوں کو پروان چڑھانے نمائش اور بازار کا اہتمام

14نومبر بھارت کے پہلے وزیرا عظم جواہر لال نہرو کے یوم پیدائش کی مناسبت سے تربیت ایجوکیشن سوسائٹی کی نیو شمس مونٹسری اسکول میں معصوم اور چھوٹے چھوٹے بچے چاچا نہرو کی ٹوپی اور لباس میں ملبوس ہوتے ہوئے انوکھے انداز میں پروگرام منایا۔

کل جمعہ کو کاروار میں ہوگا جائیداد کی رجسٹریشن اور اسٹامپنگ سہولیات سے لیس کاویری آن لائن خدمات کا افتتاح

رجسٹریشن اینڈ اسٹامپ محکمہ کے عوامی معاون منصوبے ’’کاویری آن لائن خدمات ‘‘ کا 16نومبر بروز جمعہ کو باقاعدگی کے ساتھ افتتاح کئے جانے کا ضلع نگراں کاروزیر اور وزیر برائے تحصیل آر وی دیش پانڈے نے اعلان کیا۔

 ضلع ہیسکام محکمہ کی جانب سے 17نومبر کو  کاروار اور ہوناور میں ہیسکام عدالت کا قیام

اتر کنڑا ضلع محکمہ ہیسکام کی جانب سے 17نومبر کو کاروار اور ہوناور معاون علاقہ میں ہیسکام گاہکوں کے لئے کمی بیشی اور ان کی شکایات کی سماعت کے لئے عدالت کا اہتمام کئے جانےکی محکمہ کی طرف سے جاری کردہ پریس ریلیز میں جانکاری دی گئی ہے۔

کاروار: بحریہ ہفتہ کی مناسبت سے بحریہ اڈے کے زیراہتمام اسکولی بچوں کے لئے پینٹنگ مقابلہ کا انعقاد

ہندوستانی بحریہ کے زیراہتمام منائے جارہے ’’بحریہ ہفتہ 2018‘‘ کی مناسبت سے بحریہ اڈے کاروار کی جانب سے 11نومبر 2018کو دئوئیدنا سیوا سنگھ ہال میں اسکول بچوں کے لئے منعقد کئے گئے  ڈرائنگ اور پینٹنگ مقابلہ  میں 47اسکولوں کے 280طلبا شریک ہوئے۔