نئی دہلی،22اپریل(ایس او نیوز؍آئی این ایس انڈیا) ملائیشیا کے اپوہ میں 27 اپریل سے شروع ہو رہے ہونے والے سلطان اذلان شاہ کپ کے لئے ہندوستانی ہاکی ٹیم ہفتہ کی رات ملائیشیا کے لئے روانہ ہو رہی ہے۔ یہ ٹورنامنٹ سینئر مرد ٹیم کے لئے اس سال بین الاقوامی کیلنڈر کا پہلا بڑا ٹورنامنٹ ہے۔ٹیم روانگی سے پہلے چیف کوچ رولیٹ اولٹمیس نے کہا کہ سیشن کی اچھی شروعات ضروری ہے لیکن میرے لئے اختتام بھی اہم ہے جو اچھا ہونا چاہیے۔ اس ٹورنامنٹ سے پتہ چل جائے گا کہ ہم نے کتنی ترقی کی ہے اور کہاں بہتری کی گنجائش ہے۔ہندوستان کا سامنا آسٹریلیا، برطانیہ، نیوزی لینڈ، جاپان اور میزبان ملائیشیا سے ہوگا۔ہندوستان نے گزشتہ سال اس میں چاندی کا تمغہ جیتا تھا۔ کپتان پی آر شری جیش نے کہا کہ آسٹریلیا سب سے مشکل ٹیم ہوگی، دباؤ کے لمحات میں وہ بہترین کارکردگی کا مظاہرہ کرتی ہے اور ہم نے اسے ہر حالت میں ہرانا چاہتے ہیں۔انہوں نے کہا کہ ہماری ٹیم کے پاس تجربہ کار نوجوان ہیں جو میچ کا پانسہ پلٹ سکتے ہیں۔ اس طرح کے ٹورنامنٹوں میں آسٹریلیا جیسی بڑی ٹیموں کو شکست دے کر اعتماد بڑھتا ہے۔ ہندوستانی ٹیم میں بہت سے نوجوان اور تجربہ کار کھلاڑی ہے جبکہ آسٹریلیا کے پاس بھی نوجوان ٹیم ہے۔