بھٹکل میں سوامی وویکانند کی شکاگو تقریر کے 125برس مکمل ہونے پر پروگرام
بھٹکل :3/ اکتوبر(ایس اؤ نیوز) شکاگو میں سوامی وویکانند کی تقریر کے 125سال مکمل ہونے پر یو ا برگیڈ اور سہودری نویدیتا پرتشٹھان کے اشترا ک سے گروسدھیندرا کالج میں ’’پھر ایک بار فتح ‘‘ پروگرام کا انعقادہوا۔ اس سلسلے میں یوا برگیڈ کے چکرورتی سولی بیلے کی رتھ یاترا کو جلوس کی شکل میں کالج گراؤنڈ لایاگیا۔
یہاں منعقدہ پروگرام بات کرتے ہوئے انہوں نے کہاکہ شکاگو میں سوامی وویکانند کی تقریر سے دنیا کو یہ معلوم ہواکہ تمام طبقات ، نسل کا بھگوان ایک ہی ہے۔ وویکانند صرف ایک سنت نہیں بلکہ ایک فوجی بھی تھے۔ سوامی وویکانند نے نوجوان کے لئے بہت بڑا پیغام دے کر ان کی رہنمائی کی ہے۔ پروگرام میں موظف فوجی ایم ڈی پھکی ،نارائن پائی نے بھی اپنے خیالات کا اظہار کیا۔