بھٹکل:23/ فروری (ایس اؤنیوز)تعلقہ کے بیلکے گرام پنچایت حدود میں چل رہی سیسہ تیاری فیکٹری پر عوامی شکایت پر کارروائی کرتے ہوئے بھٹکل تحصیلدار وی این باڈ کر کی قیادت میں تحصیل افسران نے چھاپہ ماری کرتے ہوئے فیکٹری کو ضبط کرلینےکا واقعہ جمعرات کی شام پیش آیا ہے۔

تما نائک کی ملکیت والی زمین پر گذشتہ تین مہینوں سے سیسہ تیاری فیکٹری چل رہی تھی ۔ علاقہ کے عوام فیکٹری سے ہونےوالی آلودگی کو لے کر کافی پریشان تھے اس سلسلے میں انہوں نے تحصیل افسران کو شکایت بھی سونپی تھی ، تحصیل افسران متعلقہ فیکٹری مالکان کو نوٹس جاری کرتےہوئے فیکٹری بند کرنے کاحکم دیا تھا۔ لیکن فیکٹری تحصیل افسران کی نوٹس پر توجہ نہ دیتے ہوئے یوں ہی جاری تھی تو تحصیلدار کی قیادت میں چھاپہ مارکر اشیاء کو ضبط کرلیا گیا ہے۔

اسی معاملےکو لے کر ایک شخص پر حملہ کئے جانے کے متعلق بھٹکل دیہی پولس تھانے میں کیس درج ہواہے۔ ملزم کے طورپر بیلکے گرام پنچایت صدر رمیش نائک کی نشاندہی کی گئی ہے۔ رمیش نائک اور دیگر افراد پر کیس درج کرلینےکے بعد جانچ کی جارہی ہے۔