منگلورو 19،؍اگست (ایس او نیوز) اوروا پولیس اسٹیشن کے حدود میں کوٹارا چوکی نامی مقام پر مشکوک کردار کی وجہ سے شوہر نے بیوی کو قتل کرڈالا۔موصولہ رپورٹ کے مطابق جے بی لوبو روڈ پر رہنے والی بلوسم لوبو(31سال) نامی خاتون کے دوسرے شخص کے ساتھ ناجائز تعلقات تھے۔ جس کی وجہ سے اس کے شوہرولیم لوبو (35سال)اور اس کے درمیان جھگڑا ہوگیا ۔جس کے دوران مبینہ طور پرولیم نے اپنی بیوی کو قتل کردیا ہے۔

واردات کی اطلاع ملنے پر پولیس افسران نے موقع پر پہنچ کر معائنہ کیا، لاش کو پوسٹ مارٹم کے لئے اسپتال روانہ کرنے کے ساتھ ولیم لوبو کو حراست میں لے لیا۔ اوروا پولیس اسٹیشن میں لوبو کے خلاف دفعہ 302کے تحت کیس داخل کرنے کے بعد مزید تحقیقات کا آغاز کیا ہے۔