یوسف پٹھان کی سنچریاں بڑودہ کو بچانہیں سکیں

Source: S.O. News Service | By Shahid Mukhtesar | Published on 10th October 2017, 12:43 PM | اسپورٹس |

اندور:9؍/اکتوبر (ایجنسی) ہندوستانی قومی ٹیم کے لئے کھیل چکے بڑودہ کے یوسف پٹھان نے مدھیہ پردیش کے خلاف رنجی ٹرافی مقابلے میں دونوں اننگز میں سنچری لگانے کا کارنامہ انجام دیالیکن اس کے باوجود ان کی ٹیم کو ہار کا سامنا کرنا پڑا ۔یوسف پٹھان نے دونوں اننگز میں سنچری بناکر رنجی ٹرافی کا شاندار آغاز کیا لیکن ان کی اس بہترین اننگز کے باوجود بڑودہ کو گرپ سی کے میچ میں آج مدھیہ پردیش کے ہاتھوں8 وکٹ سے ہار کا سامنا کرنا پڑا۔ بڑودہ کی ٹیم نے فالوآن کرتے ہوئے آج صبح اپنی دوسری اننگز ایک وکٹ پر 41 رن سے آگے کھیلنا شروع کیا۔ مدھیہ پردیش کے ایشورپانڈے (40 رن دے کر5؍ وکٹ) کی قاتلانہ گیند بازی کی وجہ سے بہت جلد ہی ٹیم کا اسکور سات وکٹ پر 68 رن ہو گیا۔ پہلی اننگز میں 111 رن بناچکے یوسف پٹھان ( 136ٹاٹ آؤٹ) اور اتیت سیٹھ (109) نے یہاں سے آٹھویں وکٹ کیلئے 218 رن کی ساجھیداری کرکے ٹیم کو اننگز کی ہار سے بچایا۔اتیت سیٹھ کی یہ فرسٹ کلاس میچوں میں پہلی سنچری ہے۔غور طلب ہے کہ بڑودہ نے اپنی دوسری اننگز میں 318 رن بنائے۔ اس طرح سے مدھیہ پردیش کو 70 رن کا ہدف ملا۔ اس نے2؍ وکٹ پر 73 رن بناکر جیت درج کی ۔ہرمیت سنگھ 44 اور رجت پاٹیدار 23 رن بناکر ناٹ آؤٹ رہے۔سیٹھ نے19 رن دے کر2؍وکٹ لئے ۔ مدھیہ پردیش نے اپنی پہلی اننگز8؍وکٹ پر 551 رن بناکر ختم کرنے کا اعلان کیا تھا جس کے جواب میں بڑودہ 302 رن بناکر آؤٹ ہو گیا تھا۔ مدھیہ پردیش کو اس جیت سے 6؍ پوائنٹس ملے۔

ایک نظر اس پر بھی

پیر ا ٹیبل ٹینس میں شہرت کی بلندیوں کو چھو رہے ہیں کمٹہ کے نوجوان کھلاڑی ناظم

ہمارے ملک میں نوجوان کھلاڑی زیادہ تر مقبول عام کھیل کرکٹ کی طرف ہی راغب ہوتے ہیں۔ لیکن اس رجحان کے برخلاف ضلع شمالی کینرا کے ایک نوجوان کھلاڑی نے پیرا ٹیبل ٹینس میں نہ صرف دلچسپی لی ہے بلکہ اس میدان میں ریاستی، نیشنل اور انٹرنیشنل سطح پر اپنی صلاحیتوں کا مظاہرہ کرتے ہوئے ...

ہندوستان ہاکی ٹیم نے نیوزی لینڈ کو 4-0سے شکست دے کر کیا سیریز میں وائٹ واش

ہندوستانی مرد ہاکی ٹیم نے آج یہاں نیوزی لینڈ کو تیسرے اور آخری میچ میں 4-0سے شکست کر ٹیسٹ سیریز میں ان کا خاتمہ کیا۔ ہندوستان کے لئے روپندر پال سنگھ (آٹھویں منٹ)، سریندر کمار (15 ویں منٹ)، مندیپ سنگھ(44 ویں منٹ) اور آکاش دیپ سنگھ (60ویں منٹ)نے گول کئے۔