ರಮಝಾನ್ ಮಾಸದಲ್ಲಿ ಮುಸ್ಲಿಮ್ ಓಲೈಕೆಯ ಇಫ್ತಾರ್ (ಅ)ರಾಜಕೀಯ

Source: S O News service | By sub editor | Published on 27th June 2016, 10:43 PM | Special Report | Islam | Don't Miss |

by M.R.Manvi
ಮೋಸ, ವಂಚನೆ, ಕಪಟ, ದಗಲಬಾಜಿ, ಅರಾಜಕತೆ ಗೆ ಮತ್ತೊಂದು ಅರ್ಥವೇ ರಾಜಕೀಯ. ಇದು ಎಲ್ಲಿ ಬೇಕಾದರೂ ಸುಲಭವಾಗಿ ನುಸುಳುವಂತಹದ್ದು. ಮನೆ, ಕಚೇರಿ, ಠಾಣೆ, ಮಂದಿರ, ಮಸೀದಿ, ಚರ್ಚು, ಗುರುದ್ವಾರ ಇದಕ್ಕೆ ಇಂತಹದ್ದೇ ಎನ್ನುವ ಒಂದು ನಿದಿರ್ಷ್ಠ ಸ್ಥಳವಿಲ್ಲ. ಎಲ್ಲಿಬೇಕಲ್ಲಿ ಲೀಲಾಜಾಲವಾಗಿ ತನ್ನ ವರ್ಚಸ್ಸನ್ನು ಕುದುರಿಸಿಕೊಳ್ಳುವ ಶಕ್ತಿ ಈ ರಾಜಕೀಯಕ್ಕೆ ಇದೆ. ಇದು ತನ್ನ ಬೇಳೆ ಬೇಯಿಸಿಕೊಳ್ಳಲು ಏನುಬೇಕಾದರೂ ಮಾಡಬಲ್ಲದು. ಕತ್ತೆಯ ಕಾಲು ಹಿಡಿದರೂ ಪರವಾಗಿಲ್ಲ. ಸಮಯ ಬಂದಾಗ ಅದು ತನ್ನೆಲ್ಲ ಮೇರೆಗಳನ್ನು ಮೀರಿ ಬದುಕಿಕೊಳ್ಳುವ ಕರಾಮತ್ತು ಹೊಂದಿದೆ. 
ಸಾಮಾನ್ಯವಾಗಿ ರಾಜಕೀಯ ಮಂದಿ ತಮ್ಮ ಕೈಯಿಂದ ಒಂದು ಚಿಕ್ಕ ಅವಕಾಶವನ್ನು ಹೋಗಲು ಬಿಡಲ್ಲ. ಮದುವೆ ಸಮಾರಂಭವಾಗಲಿ, ಹುಟ್ಟು, ಸಾವು, ಯಾವುದೇ ಸಂದರ್ಭವಿರಲಿ ತಮ್ಮ ರಾಜಕೀಯ ಉದ್ದೇಶಗಳ ಈಡೇರಿಕೆಗಾಗಿ ಅದನ್ನು ಬಳಸಿಕೊಳ್ಳುವುದುಂಟು. ಇದಕ್ಕಾಗಿ ಜಾತಿ, ಧರ್ಮ, ಪಕ್ಷ, ಭಾಷೆ ಇದಾವುದನ್ನು ಪರಿಗಣನೆಗೆ ತೆಗೆದುಕೊಳ್ಳದೆ ಸಿಕ್ಕ ಸಂದರ್ಭವನ್ನು ಸೂಕ್ತವಾದ ರೀತಿಯಲ್ಲಿ ಬಳಸಿಕೊಳ್ಳುತ್ತಾರೆ. ಇದನ್ನು ನಾವು ದಿನ ದಿನ್ಯತ ವಿದ್ಯಾಮಾನಗಳಲ್ಲಿ ಕಾಣಬಹುದು ಕೂಡ. 
ಸಂದರ್ಭ ಮತ್ತು ಅವಕಾಶಕ್ಕಾಗಿ ಕಾಯುತ್ತಿರುವ ರಾಜಕೀಯ ಪಕ್ಷದ ಧುರಿಣರು  ರಮಝಾನ್ ಮಾಸದ ಸಂದರ್ಭದಲ್ಲಿ ಇಫ್ತಾರ್ ಕೂಟಗಳನ್ನು ಏರ್ಪಡಿಸುವುದರ ಮೂಲಕ ನಾವು ನಿಮ್ಮ ಜತೆಗಿದ್ದೇವೆ ಎಂದು ಮುಸ್ಲಿಮ್ ಸಮುದಾಯವನ್ನು ನಂಬಿಸುವ, ಅವರನ್ನು ಮೂರ್ಖರನ್ನಾಗಿಸುವ ಕಾರ್ಯತಂತ್ರವನ್ನು ರೂಪಿಸಿಕೊಂಡಿದ್ದು. 
ಇಂದು ದೇಶದಾದ್ಯಂತ ಭರ್ಜರಿಯಾಗಿ ಇಫ್ತಾರ್ ಕೂಟಗಳು ಆಯೋಜನೆಗೊಳ್ಳುತ್ತಿರುವುದನ್ನು ನಾವು ಕಾಣುತ್ತೇವೆ. ಇದಕ್ಕೆ ಕಟ್ಟಾ ಮುಸ್ಲಿಮ್ ವಿರೋಧಿಯಾಗಿರುವ ಸಂಘಪರಿವಾರದ ರಾಜಕೀಯ ಪಕ್ಷ ಬಿಜೆಪಿ ಮತ್ತು ಸ್ವತಃ ರಾಷ್ಟ್ರೀಯ ಸ್ವಯಂ ಸೇವಕ ಸಂಘವು ಕೂಡ ಹಿಂದೆ ಬಿದ್ದಿಲ್ಲ ಎನ್ನಬಹುದು. 
ರಮಝಾನ್ ಮಾಸವು ವಿಶ್ವದ ಮುಸ್ಲಿಮರಿಗಾಗಿ ಪವಿತ್ರವೂ ಅತ್ಯಂತ ಮಹತ್ವವುಳ್ಳದ್ದು ಎನ್ನುವುದರಲ್ಲಿ ಎರಡುಮಾತಿಲ್ಲ. ರಮಝಾನ ಮಾಸಪೂರ್ತಿ ದಾನಧರ್ಮ, ಪುಣ್ಯಕಾರ್ಯಗಳಲ್ಲಿ ನಿರತ ಅದೆಷ್ಟೋ ಮಂದಿ ತಮ್ಮಲ್ಲಿರುವ ಸರ್ವಸ್ವವನ್ನು ದೇವನ ಸನ್ನಿಧಿಗೆ ಅರ್ಪಿಸಲು ಸಿದ್ದರಿರುತ್ತಾರೆ.  ದಿನಪೂರ್ತಿ ಉಪವಾಸ ಆಚರಿಸಿ ಸೂರ್ಯಸ್ಥಗೊಳ್ಳುತ್ತಲೆ ಉಪವಾಸ ಬಿಡುವ ಕ್ರಮಕ್ಕೆ ಇಸ್ಲಾಮಿ ಪರಿಭಾಷೆಯಲ್ಲಿ ‘ಇಫ್ತಾರ್’ ಎನ್ನಲಾಗುತ್ತದೆ, ಅಲ್ಲಲ್ಲಿ ಕೆಲ ಮುಸ್ಲಿಮ್ ಸಂಘಟನೆಗಳನ್ನು ಮಸೀದಿ ಜಮಾ‌ಅತ್ ಗಳು ಇದನ್ನು ಹಿಂದು ಮುಸ್ಲಿಂ ರ ಸೌಹಾರ್ಧದ ಸಂಕೇತವನ್ನಾಗಿ ಬಳಸಿಕೊಂಡು ಎಲ್ಲ ಧರ್ಮ, ಜಾತಿ, ಸಮುದಾಯವನ್ನು ಒಂದು ವೇದಿಕೆಗೆ ತರವ ಪ್ರಯತ್ನವಾಗಿ ‘ಇಫ್ತಾರ್ ಸೌಹಾರ್ಧ ಕೂಟ’ ವನ್ನು ಆಯೋಜಿಸಿ ಉಪವಾಸದ ಮಹತ್ವ, ಅದು ಹೇಗೆ ಮನುಷ್ಯನನ್ನು ಮನುಷ್ಯನನ್ನಾಗಿ ರೂಪಿಸುತ್ತದೆ, ಉಪವಾಸದಿಂದಾಗಿ ಯಾವೆಲ್ಲ ಮಾನವೀಯ ಗುಣಗಳು ಮೈಗೂಡಿಸಿಕೊಳ್ಳಬಹುದು ಎಂಬುದರ ಕುರಿತಂತೆ ಉಪನ್ಯಾಸ ನೀಡಲಾಗುತ್ತದೆ. ಹಾಗೆಯೆ ಎಲ್ಲ ಧರ್ಮದವರನ್ನು ಒಟ್ಟು ಸೇರಿಸಿ ಮನುಜಕುಲ ಒಂದೇ ಎಂಬ ಸಂದೇಶವನ್ನು ನೀಡಲಾಗುತ್ತದೆ. ಇದರಿಂದಾಗಿ ಸಮಾಜದಲ್ಲಿ ಪರಸ್ಪರ ಶಾಂತಿ, ಸೌಹಾರ್ಧ, ಸಾಮರಸ್ಯ, ಬ್ರಾತೃತ್ವ ಉಂಟಾಗಿ ಸಮಾಜದ ಅಭಿವೃದ್ಧಿಯಾಗುವ ನಿರೀಕ್ಷೆಯೊಂದಿಗೆ ಆಯೋಜಿಸಲಾಗುತ್ತದೆ. 
ಮುಸ್ಲಿಮರ ಮತವನ್ನು ನಗದೀಕರಣಗೊಳಿಸಿಕೊಳ್ಳುವಲ್ಲಿ ಒಂದಿಂಚು ಅವಕಾಶಗಳನ್ನು ಬಿಡದ ರಾಜಕೀಯ ಪಕ್ಷದ ನೇತಾರರು ರಮಝಾನ್ ತಿಂಗಳನ್ನು ಅತ್ಯಂತ ಚಾಣಾಕ್ಷತನದಿಂದ ಉಪಯೋಗಿಸಿಕೊಳ್ಳುತ್ತಾರೆ. ಕಾಂಗ್ರೇಸ್, ಬಿಜೆಪಿಗಳಂತಹ ರಾಷ್ಟ್ರೀಯ ಪಕ್ಷಗಳ ಇಫ್ತಾರ್ ರಾಜಕಾರಣ ಒಂದೆಡೆಯಾದರೆ ಪ್ರಾದೇಶಿಕ ಹಾಗೂ ಪುಡಿ ರಾಜಕಾರಣಿಗಳು ಇಫ್ತಾರ್ ರಾಜಕಾರಣ ಮತ್ತೊಂದೆಡೆ. ಇಫ್ತಾರ್ ಕೂಟದ ಹೆಸರಲ್ಲಿ ರಾಜಕೀಯ ಪಕ್ಷದ ನೇತಾರರು ನಡೆಸುವ ಇಫ್ತಾರ್ ಕೂಟಗಳು ಭರ್ಜರಿ ಮಾಂಸದೂಟದ ಔತಣಕೂಟಗಳಾಗಿ ಮಾರ್ಪಟ್ಟಿರುತ್ತವೆ. ಇದರಲ್ಲಿ ಬಡಪಾಯಿ ಉಪವಾಸಿಗನ ಶೂನ್ಯ ಎಂದೇ ಹೇಳಬಹುದು. ಕಂಠಪೂರ್ತಿ ಕುಡಿದು ಭೋರಿ ಭೋಜನ ಮಾಡಲು ಬರುವವರೇ ಅಧಿಕ. ತಿಂಗಳಪೂರ್ತಿ ಕೆಲ ಮಂದಿ ಇಂತಹ ಬಿಟ್ಟಿ ಊಟಕ್ಕಾಗಿಯೆ ಕಾಯ್ದು ಕುಳಿತಿರುತ್ತಾರೆ. ಕಾರ್ಯಕರ್ತರ ದಂಡು, ನೇತಾರರ ಅಭಿಮಾನಿಗಳ ಬಳಗ, ಮರುದಿನ ಪತ್ರಿಕೆಗಳಲ್ಲಿ ‘ಟೋಪಿಹಾಕಿಕೊಂಡು ರಾರಾಜಿಸುತ್ತಿರುವ ನೇತಾರರ ಫೋಟೊ. ಇಷ್ಟಾದರೆ ಸಾಕು ಇಫ್ತಾರ್ ಕೂಟ ಮುಗಿದಂತೆಯೆ. ಕೆಲವು ನೇತಾರರ ಮೊಸಳೆ ಕಣ್ಣೀರು, ಮುಸ್ಲಿಮ್ ಓಲೈಕೆಯ ಭಾಷಣಗಳು ಹೀಗೆ ಈ ಇಫ್ತಾರ್ ಕೂಟ ಎನ್ನುವುದು ತನ್ನ ಮೂಲ ಉದ್ದೇಶವನ್ನು ಕಳೆದುಕೊಂಡು ರಾಜಕಾರಣಿಗಳ ಮತ ಓಲೈಕೆಯ ದಾಳವಾಗಿ ಪರಿವರ್ತನೆಯಾಗುತ್ತಿದೆ. 
ಮುಸ್ಲಿಮರ ತಲೆಯುಡುಗೆ ‘ಟೋಪಿ’ ದ್ವಂದಾರ್ಥದಲ್ಲಿ ಬಳಕೆಯಾಗುತ್ತಿದ್ದು ಮುಸ್ಲಿಮರನ್ನು ಓಲೈಸಲು ಇವರು ತಲೆಗೆ ಟೋಪಿ ಹಾಕಿಕೊಳ್ಳುತ್ತಾರೆ. ಆದರೆ ನಿಜಾರ್ಥದಲ್ಲಿ ಮುಸ್ಲಿಮರನ್ನು ಮರಳು ಮಾಡಿ ಅವರಿಗೆ ಟೋಪಿಹಾಕುತ್ತಿರುವುರುದು ಮಾತ್ರ ದುರಂತವಾಗಿದೆ. 
ಹಲಾಲ್ ಗಳಿಕೆಯಿಂದ ಗಳಿಸಿದ ಹಣದಿಂದ ಅಲ್ಲಾಹನನ್ನು ಸಂತೃಪ್ತಗೊಳಿಸಲು ದಿನಪೂರ್ತಿ ಉಪವಾಸ ಆಚರಿಸಿ ಯಾರೋ ರಾಜಕೀಯ ನೇತಾರರ ಹರಾಮ್ ಹಣದಿಂದ ಆಯೋಜಿಸಿದ್ದ ಇಫ್ತಾರ್ ಪಾರ್ಟಿಗಳಲ್ಲಿ ಭಾಗವಹಿಸಿ ಉಪವಾಸ ತ್ಯಜಿಸಿ(ಇಫ್ತಾರ್)ದರೆ ಅಲ್ಲಾಹನ ಸಂತೃಪ್ತಿಯಾದರೂ ಹೇಗೆ ಸಿಗಬಹುದು. ಆದ್ದರಿಂದ ಮುಸ್ಲಿಮ್ ಸಮುದಾಯ ರಾಜಕಾರಣಿಗಳ ಇಫ್ತಾರ್ ರಾಜಕೀಯಕ್ಕೆ ಬಲೆ ಬೀಳದೆ ಇಫ್ತಾರ್ ನ ನೈಜ ಉದ್ದೇಶವನ್ನು ಅವರಿಗೆ ತಿಳಿ ಹೇಳಬೇಕಾದುದು ಮುಸ್ಲಿಮ್ ಸಮುದಾಯದ ಕರ್ತವ್ಯವಾಗಿದೆ.                                                                                                                    

Read These Next

ಪಟ್ಟಣದವಾಸಿಗಳೆ ಎಚ್ಚರ  ಬೀದಿಯಲ್ಲಿ ಬೌ ಬೌ ಸದ್ದು ಎಚ್ಚರ ತಪ್ಪಿದರೂ ನಾಯಿ ಕಡಿತ. ಕೈಕಟ್ಟಿ ಕುಳಿತಿರುವ ಪುರಸಭೆ ಅಧಿಕಾರಿಗಳು

ಶ್ರೀನಿವಾಸಪುರ: ಪಟ್ಟಣದವಾಸಿಗಳೆ ಎಚ್ಚರ  ಪಟ್ಟಣದ ಹಾದಿ ಬೀದಿಯಲ್ಲಿ ಈಗ ಬೌ ಬೌ ಸದ್ದು. ಸ್ವಲ್ಪ ಎಚ್ಚರ ತಪ್ಪಿದರೂ ನಾಯಿ ಕಡಿತ ...

ರಾಜ್ಯದ ೨೨೪ ಶಾಸಕರ ಸದಸ್ಯತ್ವ ರದ್ದುಗೊಳಿಸುವಂತೆ ಆಗ್ರಹಿಸಿ ರೈತಸಂಘದಿಂದ ವಿನೂತನ ಪ್ರತಿಭಟನೆ

ಕೋಲಾರ: ಪ್ರಜಾಪ್ರಭುತ್ವವನ್ನು ಕಗ್ಗೋಲೆ ಮಾಡಿ ರಾಜ್ಯದ ಜ್ವಾಲಂತ ಸಮಸ್ಯೆಗಳಿಗೆ ಸ್ಪಂಧಿಸದೆ ಸಿಂಹಾಸನಕ್ಕಾಗಿ ಬೀದಿ ನಾಯಿಗಳಂತೆ ...

ಐರೋಪ್ಯ ರಾಷ್ಟ್ರಗಳ ಶಿಕ್ಷಣ ವ್ಯವಸ್ಥೆ ಮನುಷ್ಯರನ್ನು ಧರ್ಮದ ಶತ್ರುಗಳನ್ನಾಗಿ ರೂಪಿಸುತ್ತಿದೆ-ಮೌಲಾನ ರಾಬೆ‌ಅ ನದ್ವಿ

ಭಟ್ಕಳ: ಪ್ರಸಕ್ತ ಪಾಶ್ಚಾತ್ಯ ಶಿಕ್ಷಣ ವ್ಯವಸ್ಥೆಯ ಕುರಿತಂತೆ ಕಠು ವಿಮರ್ಶೆ ಮಾಡಿದ ಆಲ್ ಇಂಡಿಯಾ ಮುಸ್ಲಿಮ್ ಪರ್ಸನಲ್ ಲಾ ಬೋರ್ಡ್ ...

ದಿನ ನಿತ್ಯದ ಅಗತ್ಯ ವಸ್ತುಗಳನ್ನು ಜಿಎಸ್ಟಿ ವ್ಯಾಪ್ತಿಗೆ ತರುವಂತೆ ಆಗ್ರಹಿಸಿ ರೈತಸಂಘದಿಂದ ಪ್ರತಿಭಟನೆ

ಕೋಲಾರ: ಜನ ಸಾಮಾನ್ಯರ ದಿನ ನಿತ್ಯದ ಅಗತ್ಯ ವಸ್ತುಗಳಾದ ಡೀಜಲ್, ಪೆಟ್ರೋಲ್, ಗ್ಯಾಸ್‍ನ್ನು ಜಿ.ಎಸ್.ಟಿ ವ್ಯಾಪ್ತಿಗೆ ತರಬೇಕೆಂದು ...

ಅಜರ್‍ಬೈಜಾನ್ ಜೊತೆಗಿನ ದ್ವಿಪಕ್ಷೀಯ ಸಂಬಂಧವನ್ನು ಭಾರತ ಗೌರವಿಸುತ್ತದೆ - ಮುನಿಯಪ್ಪ

ಕೋಲಾರ:  ಭಾರತ ಮತ್ತು ಅಜರ್‍ಬೈಜಾನ್ ನಮ್ಮ ಐತಿಹಾಸಿಕ ಸಂಬಂಧಗಳು ಮತ್ತು ಹಂಚಿಕೆ ಸಂಪ್ರದಾಯಗಳ ಆಧಾರದ ಮೇಲೆ ನಿಕಟ ಮತ್ತು ಸೌಹಾರ್ದಯುತ ...

ಯಲ್ಲಾಪುರದಲ್ಲಿ ಬಾಲಕರ ಮೇಲೆ ಬೀದಿನಾಯಿಗಳಿಂದ ದಾಳಿ;ಕಣ್ಮುಚ್ಚಿಕೊಂಡಿರು ತಾಲೂಕಾಡಳಿತ

ಯಲ್ಲಾಪುರ: ಉತ್ತರಕನ್ನಡ ಜಿಲ್ಲಾದ್ಯಂತ ಬೀದಿನಾಯಿ ಹಾಗೂ ಹುಚ್ಚುನಾಯಿಗಳ ಕಾಟ ದಿನೆ ದಿನೆ ಹೆಚ್ಚಾಗುತ್ತಿದ್ದು ಜಿಲ್ಲಾಡಳಿತ ಇದಕ್ಕೂ ...

ಪಟ್ಟಣದವಾಸಿಗಳೆ ಎಚ್ಚರ  ಬೀದಿಯಲ್ಲಿ ಬೌ ಬೌ ಸದ್ದು ಎಚ್ಚರ ತಪ್ಪಿದರೂ ನಾಯಿ ಕಡಿತ. ಕೈಕಟ್ಟಿ ಕುಳಿತಿರುವ ಪುರಸಭೆ ಅಧಿಕಾರಿಗಳು

ಶ್ರೀನಿವಾಸಪುರ: ಪಟ್ಟಣದವಾಸಿಗಳೆ ಎಚ್ಚರ  ಪಟ್ಟಣದ ಹಾದಿ ಬೀದಿಯಲ್ಲಿ ಈಗ ಬೌ ಬೌ ಸದ್ದು. ಸ್ವಲ್ಪ ಎಚ್ಚರ ತಪ್ಪಿದರೂ ನಾಯಿ ಕಡಿತ ...