ملپے سمندر میں غرقاب ہوا بینگلورو کا نوجوان
اڈپی 22 / اپریل ( ایس او نیوز) ملپے ساحل پر سیاحت کے لئے آیا ہوا منڈیا کا رہائشی ایک نوجوان سمندر میں غرقابی کی وجہ سے فوت ہو گیا ۔ واردات اتوار شام کو پیش آئی۔
بتایا جاتا ہے کہ مہلوک نوجوان ناگیندرا (21 ) اپنے پانچ دوستوں کے ساتھ سیاحت کے لئے ملپے بیچ آیا تھا، وہ بینگلور کی کسی کالج میں زیر تعلیم تھا ۔ اس موقع پر پانچوں سمندر میں تیرنے کے لئے اُترگئے جس کے دوران ناگیندرا پانی میں ڈوب گیا۔ مقامی لائف گارڈس اور ماہر غوطہ خور ایشور ملپے فوراً ناگیندرا کی مدد کے لئے دوڑ پڑے اور اسے سمندر سے نکال کر منی پال کے پرائیویٹ اسپتال میں منتقل کیا مگر اس کی جان بچانے کی کوشش میں کامیابی نہیں ملی اور اس نے اسپتال میں دم توڑ دیا ۔
ملپے پولس تھانہ میں معاملہ درج کیا گیا ہے۔