لندن،12/جون(ایس او نیوز/ایجنسی)ٹیم ہندوستان مسلسل دوسری بار ورلڈ ٹیسٹ چیمپئن شپ کا فائنل میچ ہار گئی ہے۔ ٹیم کو آسٹریلیا کے ہاتھوں 209 رنز سے شکست ہوئی۔ 444 رنز کے ہدف کے تعاقب میں ہندوستانی ٹیم آخری دن کے پہلے سیشن میں 234 رنز پر آل آؤٹ ہو گئی۔ کوئی بھی ہندوستانی بلے باز دوسری اننگز میں 50+ رنز نہیں بنا سکا۔ ویرات کوہلی (49 رنز) ٹاپ اسکورر رہے۔

 لندن کے اوول گراؤنڈ میں آسٹریلیا نے اپنی دوسری اننگز 270/8 پر ڈکلیئر کر دی اور بھارت کو جیت کے لیے 444 رنز کا ہدف دیا۔ ہندوستانی ٹیم پہلی اننگز میں 296 رنز پر آل آؤٹ ہوگئی تھی جبکہ آسٹریلیا کی ٹیم پہلی اننگز میں 469 رنز پر آل آؤٹ ہوگئی تھی۔

 سنیچر کو اوول میں آسٹریلیا نے اپنی دوسری اننگز آٹھ وکٹوں کے نقصان پر ڈکلیئر کر دی۔ اور یوں پچھلی اننگز کی 173 رنز کی لیڈ کے ساتھ ہندوستان کو 444 رنز کا ہدف دیا۔ ایلکس کیری 66 رنز کے ساتھ ناٹ آؤٹ رہے جبکہ مچل سٹارک 41 رنز بنا کر نمایاں رہے۔ ہندوستان کی جانب سے رویندرا جڈیجہ نے تین اور محمد شامی اور امیش یادو نے دو دو وکٹیں حاصل کیکی تھیں

بڑے ہدف کے تعاقب میں ہندوستان کی جانب سے روہت شرما اور شبھمن گل نے اننگز کا تیز آغاز کیا۔ پر شبھمن گل زیادہ تر وکٹ پر نہ ٹھہر سکے اور 18 رنز بنا کر سکاٹ بولینڈ کی گیند پر کیمرون گرین کو کیچ تھما بیٹھے۔

انڈین کپتان روہت شرما نے جارحانہ بیٹنگ کی لیکن وہ بدقسمتی سے اپنی نصف سینچری مکمل نہ کر سکیں اور 60 گیندوں پر سات چوکوں اور ایک چھکے کی مدد سے 43 رنز بنا کر نیتھن لیون کی گیند پر ایل بی ڈبلیو ہو گئے۔ اس سے اگلے اوور میں کمنز نے پجارا کو بھی پویلین روانہ کر دیا۔

اس موقع پر وراٹ کوہلی اور اجنکیا راہانے اپنی ٹیم کی ڈوبتی کشتی کو سہارا دیا اور مضبوطی سے وکٹ پر کھڑے رہے۔

کھیل کے چوتھے روز آسٹریلیا نے چھ وکٹوں کے نقصان پر 150 رنز سے اپنی اننگز کا آغاز کیا تو اسے جلد ہی کیمرون گرین کی وکٹ کا نقصان اٹھانا پڑا، وہ 18 رنز بنا کر جڈیجہ کی گیند پر انہیں ہی کیچ تھما بیٹھے۔

اس کے بعد مچل سٹارک کریز پر آئے اور ایلکس کیری کے ساتھ سکور کو آگے بڑھایا۔ دونوں کے درمیان 93 رنز کی شراکت داری بنی۔ سٹارک 57 گیندوں پر سات چوکوں کی مدد سے 41 رنز بنا کر محمد شامی کا شکار بنے۔