ریاست میں آج منایا جارہا ہے " عالمی یوم ماہی گیری" - مچھلی فروشی کے لئے تقسیم ہونگی 300 "مستیا واہینی" گاڑیاں؛ پریس کانفرنس میں منکال وئیدیا کا اعلان
بھٹکل 21 / نومبر ( ایس او نیوز) وزیر برائے ماہی گیری، بندرگاہ و اندرونی نقل و حمل منکال وئیدیا نے بتایا کہ ریاست میں پہلی مرتبہ 21 نومبر کو "عالمی یوم ماہی گیری - 2023" منایا جا رہا ہے اور اس موقع پر بے روزگاری کے مسئلے سے نمٹنے کے لئے مچھلی فروشی کے کام آنے والی"مستیا واہینی " نام سے 300 گاڑیاں ضرورت مندوں میں تقسیم جائیں گی ۔
وزیر منکال وئیدیا نے بھٹکل میں موجود اپنے دفتر میں اخباری نمائندوں کو تفصیلات بتاتے ہوئے کہا کہ عالمی یوم ماہی گیری کے موقع پر وزیر اعلیٰ سدا رامیا مچھلی فروشی کے کام آنے والی 'مستیا واہینی' نامی 300 گاڑیاں تقسیم کریں گے جس کی ہر گاڑی کی قیمت تقریباً 8 لاکھ روپے ہے ۔ ان گاڑیوں میں تازہ مچھلیوں کے علاوہ فرائی مچھلیاں بھی فروخت کرنے کی گنجائش رہے گی ۔ فی الحال یہ گاڑیاں بینگلورو کے ہر وارڈ میں مچھلی فروشی کے لئے استعمال کی جائیں گی اور آنے والے دنوں میں ریاست کے دوسرے مقامات پر بھی یہ گاڑیاں فراہم کی جائیں گی ۔
بتاتے چلیں کہ نیابھرمیں 21نومبرکو ماہی گیری کا عالمی دن منایا جاتا ہے۔