انکولہ میں گاڑی کی ٹکر سے چہل قدمی کرنے والی خاتون کی موت
انکولہ، 16 / جنوری (ایس او نیوز) نیشنل ہائی 66 پر کوٹے واڈا علاقے میں صبح کے وقت چہل قدمی پر نکلی ہوئی خاتون ٹاٹا ایس گاڑی کی ٹکر سے فوت ہوگئی ۔
مہلوک خاتون کی شناخت سپنا ہوٹل کے عقب میں رہنے والی ریٹائرڈ سرکاری افسر لکشمی رمیش نائیک (65 سال) کے طور پر کی گئی ہے ۔ بتایا جاتا ہے کہ لکشمی نائیک جب واکنگ کر رہی تھیں تو ڈی جے ساونڈ سسٹم سے بھری گاڑی نے پیچھے سے ٹکر ماردی۔یہ گاڑی کاروار سے انکولہ کی طرف جارہی تھی ۔
ٹکر سے خاتون شدید زخمی ہوگئی اور موقع پر دم توڑ دیا ۔
پولیس نے اس ضمن میں کیس درج کیا ہے ۔