یلاپور میں گاڑی کی ٹکر سے خاتون کی موت
یلاپور 7 / جنوری (ایس او نیوز) شہر کے سرسی روڈ پر پوسٹ آفس کے سامنے ایک انجان گاڑی کی ٹکر کی وجہ سے پیدل گزرنے والی ایک خاتون کی موت واقع ہوگئی ۔
مہلوک خاتون کی شناخت کترینا عرف ناگی جیواو سیدّی (52 سال) کی حیثیت سے کی گئی ہے ۔ بتایا گیا ہے کہ وہ سرسی - یلاپور روڈ پر پیدل گزر رہی تھی جس کے دوران کسی انجان گاڑی نے اسے ٹکر مار دیا اور موقع پر سے فرار ہوگئی۔ جس کی وجہ سے اس کی موت واقع ہوگئی ۔
ٹریفک پی ایس آئی نسرین تاج چٹرگی ، پی ایس آئی نرنجن ہیگڈے ، پی ایس آئی شیام پاوسکر وغیرہ نے جائے حادثہ پر پہنچ کر معائنہ کیا ۔
اس معاملے میں پولیس نے انجان ڈرائیور کے خلاف کیس درج کرتے ہوئے تحقیقات شروع کی ہے ۔