کاروار:14؍جنوری (ایس اؤ نیوز)ملک کی کئی ایک ریاستوں میں آکاشوانی مراکز کو بند کئے جانے  کی ملک کے کئی ایک اخباروں اور میڈیا میں خبریں  شائع ہوئی تھیں جس کو سنجیدگی سے لیتے ہوئے محکمہ نے متعلقہ خبر پر وضاحت کرتے ہوئے کہا ہے کہ ملک کی کسی بھی ریاست میں اکاشوانی مرکز کو بند نہیں کیا جائیگا۔

پرسار بھارتی کی طرف سے کہاگیا ہےکہ ملک کی کسی بھی ریاست یایونین ٹریٹوری میں کسی بھی آکاشوانی کے مرکز کو بند نہیں کیاجارہاہے نہ ان مراکز کادرجہ چھوٹا کیا جارہاہے اور نہ ہی اس کو تبدیل کیا جارہاہے۔ اس کے بجائے آکاشوانی کی طرف سے عوام کو ترغیب دینے کے لئے لسانی، تہذیبی ، ثقافتی اور جغرافیائی تنوع کو پیش کرنے والے پروگرام پیش کئے جائیں گے۔ مزید اس کو مضبوط ومستحکم کیاجائے گا۔ جس کے لئے سال 2021-2022میں 100سے زائد نئے ایف ایم ریڈیو اسٹیشن کو قائم کئے جائیں گے۔