بغداد میں گرین زون سیکیورٹی مستحکم کرنے کے لیے امریکی امداد

Source: S.O. News Service | By JD Bhatkali | Published on 24th January 2021, 9:02 PM | عالمی خبریں |

دبئی / بغداد،24جنوری (آئی این ایس انڈیا)  عراقی شہر بغداد میں امریکی سفارتخانے نے بتایا ہے کہ عراقی حکومت کو دارلحکومت کے گرین زون کی سیکیورٹی کو مزید مستحکم کرنے کے لیے 20 ملین ڈالر مختص کئے ہیں۔

سفارتخانے کے ایک بیان میں بتایا گیا ہے کہ فراہم کی جانے والے سپورٹ میں سول انجیئنرز کو ضروری مالی وسائل فراہم کئے جائیں گے تاکہ وہ بین الاقوامی زون میں داخلے کے راستوں کا از سر جائزہ لے کر اس سیکیورٹی زون میں داخلے کے لئے نئے داخلی دروازوں کی تعمیر کر سکیں۔

بغداد امریکی سفارتخانے میں ملٹری اتاشی بریگیڈئر جون ٹیکرٹ نے سیکیورٹی سروے کی رپورٹ متعلقہ اعلی فوجی حکام کو پیش کرتے ہوئے کہا کہ امریکی امداد بغداد کے بین الاقوامی گرین زون کو بہتر بنانے کے لیے باہمی تعاون کی مثال ہے جس سے عراقی حکومت کے اہم کمپاؤنڈ کے امن کو ناقابل تسخیر بنانے میں مدد ملے گی۔

تعاون میں بہتری

گذشتہ ماہ دسمبر کے دوران عراق میں امریکی سفارتخانے نے اس عزم کا اظہار کیا تھا کہ واشنگٹن عراق کی سلامتی کے لئے عراقی فوج کے ساتھ اپنے تعاون کو بہتر بنانا چاہتا ہے۔

سفارتخانے کے مطابق امریکا نے عراقی فوج کو تیس آرمڈ گاڑیاں فراہم کیں تاکہ اس گرین زون کی سیکیورٹی بہتر بنائی جا سکے جہاں پر خود امریکی سفارتخانہ بھی موجود ہے۔

امریکا، عراق میں ایرانی حمایت یافتہ ملیشاؤں کو ملک میں امریکی اہداف پر حملوں کا ذمہ دار سمجھتا ہے۔

ایک نظر اس پر بھی

طالبان نےالقاعدہ سے ناتانہیں توڑا،امریکا حملوں کے جواب کا حق محفوظ رکھتا ہے:جنرل میکنزی

امریکا کی مرکزی کمان کے سربراہ جنرل کینتھ میکنزی نے خبردار کیا ہے کہ امریکا اپنے انتخاب کے مطابق کسی بھی وقت اور کسی بھی جگہ پر حملوں کا جواب دینے کا حق محفوظ رکھتا ہے۔ان کا کہنا ہے کہ امریکا کی پہنچ بہت دور دور تک ہے۔

ایران : شوہر کی قاتل خاتون کی ’لاش‘ کو پھانسی دینے کا عجیب و غریب واقعہ

 سزائے موت سے قبل دل کا دورہ پڑنے سے انتقال کر جانے والی خاتون زہرہ اسماعیلی کو ایران میں پھانسی دے دی گئی ہے۔ غیر ملکی میڈیا رپورٹوں کے مطابق 42 سالہ زہرہ اسماعیلی کو اپنے شوہر کے قتل کے جرم میں سزائے موت دی گئی تھی، زہرہ اسماعیلی کو شرعی قانون قصاص کے تحت سزائے موت دی گئی ہے۔