سماجی انصاف کے اصول پر عمل کرنے 5 گیارنیٹاں متعارف، ہندوستان کے 70 فیصد وسائل پر 10 فیصد افراد کا قبضہ؛ 77 ویں یوم آزادی تقریب سے وزیر اعلیٰ سدارامیا کا خطاب
بینگلورو، 16/اگست (ایس او نیوز/پی ٹی آئی) کرناٹک کے وزیر اعلیٰ سدرامیا نے کہا کہ ان کی حکومت کی 5 گیارنٹی اسکیمات دولت جمع کرنے والے اس کی تقسیم میں سماجی انصاف کے اصول پر عمل کرنے متعارف کرائی گئیں۔
بینگلورو کے مانک شاہ پریڈ گراؤنڈ پر 77 ویں یوم آزادی کے موقع پر عوام سے خطاب کرتے ہوئے سدارامیا نے نشاندہی کی کہ کرناٹک کے عوام کو احساس ہوگیا کہ سماج میں امن سے ہی ترقی ممکن ہے۔ 5 گیارنٹیاں متعارف کرانے کے پس پردہ وجہ بیان کرتے ہوئے انہوں نے کہا کہ نولبرل ازم کی وجہ سےا مراءاور غرباء کے درمیان خلیج بڑھ رہی ہے۔
ہندوستان میں آج 70 فیصد وسائل پر 10 فیصد افراد کا قبضہ ہے۔ نو آباد کاری دور میں انگریز حکمرانوں نے ملک کو لوٹا مگر اب چند سرمایہ کاروں کے پاس وسائل جمع ہورہے ہیں۔ ایسی صورت حال میں کیا ترقی ممکن ہے؟
انہوں نے تعجب کا اظہار کیا کہ اس کو ذہن میں رکھتے ہوئے ہم دولت اکٹھا کرنے اور اس کی تقسیم میں سماجی انصاف کے اصول پر عمل کررہے ہیں۔ لہٰذا ہم نے 5 گیارنٹیاں متعارف کرائیں۔
انہوں نے کہا کہ کانگریس حکومت نے عوام کے سماجی و معاشی موقف کو بہتر بنانے میں عالمگیر بنیادی آمدنی (یو بی آئی) پر مبنی 5 گیارنٹیوں وضع کرنے کا فیصلہ کیا۔ اس کے ساتھ حکومت نے مہنگائی، بے روزگاری، ذات اور مذہب کی بنیاد پر امتیازی سلوک اور بدعنوانی کو سنجیدگی سے لیا۔ ہم نے ان اسکیمات کو اولین کابینی اجلاس میں منظور کرنے کا فیصلہ کیا اور انہیں حکومت کی تکمیل کے اندرون تین ماہ متعارف کروادیا۔ شکتی اسکیم کے تحت 50 تا 60 لاکھ خاتون مسافرین ریاست میں مفت بس خدامات سے استفادہ کررہی ہیں۔ انہوں نے مزید کہا کہ تاحال 38.54 کروڑ مفت سفردرج ہوچکے ہیں۔
سدارامیا نے کہا کہ ہر گھر کو 200 یونٹ مفت برقی کی اسکیم گرہا جیوتی کے تحت 1.49 کروڑ خاندانوں نے آن لائن رجسٹریشن کروایا۔ عوام یکم اگست سے اس اسکیم سے استفادہ کررہے ہیں۔ ریاست نے اس کے نفاذ کے لئے 13،190 کروڑ روپئے مختص کئے ہیں۔
انا بھاگیہ اسکیم کے تحت حکومت نے بھوک سے پاک ریاست کو یقنی بنانے 10 کلو چاول فراہم کرنے کا وعدہ کیا تھا۔ اضافی 5 کلو چاول کی فراہم میں مرکز کے عدم تعاون کی وجہ ان کی حکومت نے ہر استفادہ کنندہ کو ہر ماہ 5 کلو چاول کی بجائے نقد رقم ادا کرنے کا فیصلہ کیا۔
ان کے مطابق انا بھاگیہ اسکیم کے تحت 1.04 کروڑ خاندانوں کو مالی امداد حاصل ہورہی ہے۔ خاندان کی ہر خاتون سربراہ کو ماہانہ 2 ہزار روپئے فراہم کرنے والی گروہا لکشمی اسکیم کے تعلق سے سدارامیا نے کہا کہ تمام خانون سربراہوں کے بینک کھاتوں میں رقم کی راست منتقلی کا 27 اگست سے آغاز ہوگا۔ انہوں نے نشاندہی کی کہ اس اسکیم کے تحت 1.08 کروڑ خواتین نے اپنا نام درج کروایا ہے۔
مجاہدین آذادی کو یاد کرتے ہوئے وزیر اعلیٰ نے کہا کہ ملک کے عوام ان ہزاروں افراد کی قربانیوں کی وجہ سے آزادی کا لطف اٹھارہے ہیں جنہوں نے ملک کو غلامی سے نجات دلانے اپنی جانوں کی بھی پرواہ نہیں کی۔