بھٹکل تعلقہ کے مرڈیشورمیں ٹمپو اور کار کی ٹکر : کار کے 2مسافر شدید زخمی
بھٹکل:29/جولائی (ایس اؤنیوز) مرڈیشور کے ریلوے اسٹیشن کے سامنے والی قومی شاہراہ 66پر کھڑی مسافر ٹمپو 407کو ٹاٹا جیسٹ کار نے پیچھے سے تیزی کے ساتھ ٹکرمار دی، جسکے نتیجےمیں2 مسافر شدید زخمی ہوگئے۔ حادثہ جمعہ کی شام کو پیش آیا۔
ذرائع سے ملی اطلاع کے مطابق ہوناور سے نکلی مسافر ٹمپو کے ڈرائیور نے جب مرڈیشور ریلوے اسٹیشن کے سامنے والی قومی شاہراہ پر اچانک ٹمپو کو روکا تو عین اسی وقت پیچھے سے آرہی تیز رفتار ٹاٹا جیسٹ کار پیچھے سے ٹمپو سے ٹکر ا گئی۔
مسافر ٹمپو اور ٹاٹاجیسٹ کا ردونوں ہوناور سے بھٹکل کی طرف جارہے تھے، حادثےمیں کار کے سامنے والے حصہ کوبھی شدید نقصان پہنچا ہے
حادثے کی اطلاع ملتے ہی مرڈیشور پی ایس آئی بھیم سنگھ لمانی اپنے عملے کے ساتھ جائے وقوع پر پہنچ گئے اور جائے واردات کا معائنہ کیا ۔پولس ذرائع کے مطابق ہیسکام محکمہ کی طرف سے کار کرایہ پر لی گئی تھی ۔ مرڈیشور پولس تھانے میں کیس درج کرلیا گیا ہے۔