کرناٹک میں کورونا کے 239 نئے کیس،متاثرین کی تعداد 5452 تک پہنچ گئی
بنگلورو،8؍جون (ایس او نیوز) اتوار کے روز کرناٹک میں کورونا کے 239 نئے معاملات سامنے آئے ۔ جس کے ساتھ ہی ریاست میں متاثرین کی تعداد 5452 تک پہنچ گئی ہے۔ 2 اور اموات کے ساتھ اب تک مرنے والوں کی تعداد 61 ہوچکی ہے۔ کلبرگی اور یادگیر سے 39 معاملات فی ضلع سامنے آئے۔ کلبرگی میں اب تک متاثر ہونے والوں کی تعداد 660 ہوچکی ہے ۔ بیلگاوی سے 38 معاملات سامنے آئے اور یہاں متاثرین کی تعداد 501 ہوگئی ہے۔ بنگلورو اربن ضلع سے 23 نئے معاملات سامنے آئے ۔ اور متاثرین کی تعداد 475 تک پہنچ گئی ۔ دکشن کنڑا سے 17 نئے معاملات سامنے آئے۔ داونگیرے سے 17۔ اُڈپی سر فہرست ہے ، یہاں 13 نئے معاملات کے ساتھ اب تک متاثرین کی تعداد 902 تک پہنچ چکی ہے۔ شیموگہ سے 12، وجئے پور سے 9، بیدر سے 7، بیلاری سے 6، بنگلورو رورل سے 5، ہاسن سے 5، دھارواڑ اور اتر کنڑا سے 2،2 ، منڈیا اور رائچور سے 1،1 معاملہ سامنے آیا۔
اتوار کے روز بنگلورو اربن میں ایک 61 سالہ خاتون مریضہ نمبر 2519 کی موت ہوگئی ۔ 29؍ مئی کو انہیں اسپتال میں داخل کروایا گیا تھا۔ حالت خراب ہونے کی وجہ سے ونٹی لیٹر پر رکھا گیا تھا۔ 6؍ جون کو ان کی موت ہوگئی۔ بنگلورو اربن میں ہی ایک 57 سالہ مریض نمبر 4315 کی موت ہوگئی ۔ و بلڈ کینسر میں مبتلا تھا، کورونا وائرس کے تشخیص ہونے کے بعد اسے کو وڈ سینٹر منتقل کیا گیا جہاں اتوار کے روز اس کی موت ہوگئی۔