کرائسٹ چرچ کی دو مسجد پر دہشت گردانہ حملہ کی سخت مذمت کرتے ہیں : ترکی 

Source: S.O. News Service | By Shahid Mukhtesar | Published on 16th March 2019, 12:02 PM | عالمی خبریں |

انقرہ،16مارچ (ایس او نیوز؍ آئی این ایس انڈیا ) ترکی کی وزارت خارجہ کی طرف سے جاری کردہ اعلامیے میں کہا گیا ہے کہ نیوزی لینڈ کے شہر کرائسٹ چرچ کی دو مساجد میں ہونے والے دہشت گردی کے حملے جس میں بڑی تعداد میں مسلمان شہید اور زخمی ہوئے ہیں، ترکی کو شدید دکھ پہنچا ہے۔ ترکی اس خونخوار دہشت گردی کے واقعے کی شدید مذمت کرتا ہے اور اس دہشت گردی کے واقعے میں شہید ہونے والے افرادکے لواحقین اور نیوزی لینڈ کی عوام سے تعزیت کا اظہار کرتا ہے۔جاری کردہ اعلامیے میں کہا گیا کہ ترکی کو اس بات کا پختہ یقین ہے کہ نیوزی لینڈ حکومت اسلامی فوبیا میں مبتلا افراد کی جانب سے کیے جانے والے اس حملے کی تحقیقات مؤثر طریقے سے جاری رکھے گی اور اس میں ملوث تمام افراد کو عدلیہ کے روبرو پیش کرنے میں اپنا کردار ادا کرے گی۔ اعلامیے میں کہا گیا کہ ترکی حکومت نیوزی لینڈ کی وزیراعظم جیسنڈاایرڈرن کی جانب سے جاری کردہ اعلامیے پرِ ترکی حکومت مطمئن ہے۔

ایک نظر اس پر بھی