منگلورو کے سورتکل میں جیپ - موٹر بائک ٹکر - دو اسکوٹر سوار ہلاک
منگلورو، 27 / مارچ (ایس او نیوز) نیشنل ہائی وے 66 پر ایک جیپ نے موٹر بائک کو پیچھے سے ٹکر ماری جس کی وجہ سے بائک پر سوار دونوں افراد ہلاک ہوگئے ۔
مہلوکین کی شناخت نونیّا بنگیرا اور نیاز کے طور پر کی گئی ہے ۔ بتایا جاتا ہے کہ یہ دونوں بیڑی کے ٹھیکے دار تھے ۔ منگلورو سے اڈپی کی طرف آنے والی جیپ نے ان کی بائک کو ٹکر ماری تھی ۔ جس سے وہ سڑک پر گر گئے اور دونوں بری طرح زخمی ہوگئے ۔ فوری طور پر انہیں نجی اسپتال میں داخل کیا گیا مگر علاج کارگر نہ ہونے کی وجہ سے دونوں نے دم توڑ دیا ۔
حادثے کی وجہ سے کچھ دیر کے لئے ٹریفک متاثر رہی ۔ منگلورو نارتھ ٹریفک پولیس نے جائے حادثہ پر پہنچ کر معائنہ کیا اور جیپ ڈرائیور پرتاپ کے خلاف کیس درج کر لیا ۔