بھٹکل: سخت حالات میں بھی وزیر اعلیٰ کمار سوامی نے کئی ترقی جات کاموں کو انجام دیاہے: ایم گنگنا
بھٹکل :27/ستمبر(ایس اؤ نیوز) موجودہ سیاسی حالات میں وزیر اعلیٰ کمار سوامی بہت ہی دباؤ میں کا م کررہے ہیں، وہ فی الوقت کانٹوں پر چل رہے ہیں۔ جے ڈی ایس کے ریاستی نائب صدر ایم گنگنا نے پریس کانفرنس میں ان خیالات کااظہار کیا۔
جمعرات کو سرکٹ ہاؤس میں پریس کانفرنس کے ذریعے بات کرتے ہوئے گنگنا نے کہاکہ سابق وزیر اعلیٰ یڈیورپا روز صبح کمار سوامی کو ہراساں کررہے ہیں البتہ پچھلے ایک ہفتہ سے تھوڑی سی تبدیلی دیکھی جارہی ہے۔ سخت مشکل حالات میں کمار سوامی ترقی کے کئی سارے کام کئے ہیں۔ 48000کروڑر وپئے کسانوں کے قرضے معاف کرتے ہوئے ستائشی کام کیا ہے۔ موز کو بھی انہوں نے سبسڈی دینے والے تنہا وزیر اعلیٰ ہیں۔ اترکنڑا ضلع میں نظر آرہی سپاری فصل کی بیماری کے متعلق رپورٹ مانگی ہے امید ہے کہ اس تعلق سے مناسب اقدام کریں گے۔
وزیر اعلیٰ کمار سوامی کے ریاست کی مخلوط حکومت کو سازشوں کے ذریعے کمزور کرنے کی کوشش کی گئی تو ریاست کے عوام ہنگامے پر اتریں گے والے بیان کو بدل کر میڈیا نے منی مانی تشریح کی ہے جس سے کافی بیزارگی ہونے کی بات کہی۔ خاص چند میڈیاوالوں کا رویہ بہت خراب ہونے کی بات کہی ۔ انہوں نے کہاکہ ضلع میں جے ڈی ایس مضبوط ہے۔ پارٹی لیڈران کے اختلافات سے پارٹی کمزور ہونے کی بات صحیح ہے، آگے پارٹی کو استحکام بخشنے کے لئے ضلع، تعلقہ سطح پر پارٹی کو ازسرنو تشکیل دینے کی بات کہی۔ ضلع کے ترقی جات کاموں کے لئے نگراں کار وزیر دیش پانڈے تعاون دینےکا تیقن دیا۔
جے ڈی ایس تعلقہ صدر عنایت اللہ شاہ بندری نے کہاکہ بھٹکل کے اتی کرم مسئلے کا کمار سوامی کی قیادت والی مخلوط حکومت حل کرنے کی امید ہے۔ بھٹکل میں زیر تعمیر پوربھون کی عمارت کو زائد امداد فراہم کرنے کے لئے پیش کش کئے جانےکی جانکاری دی ۔ جے ڈی ایس کے ریاستی سکریٹری سنتو ش رائیکر، ڈی ایچ پٹگار، مناف مرجان کر، ایم ڈی نائک، ایشور نائک، کرشنا نند پائی ، وینکٹیش نائک، وی آر نائک، ابراہیم ، عبدالصمدوغیرہ موجود تھے۔