25؍جون سے ایس ایس یل سی امتحانات؛ کولار میں وزیر تعلیم سریش کمار نے تیاریوں کا اجلاس طلب کیا

Source: S.O. News Service | Published on 31st May 2020, 11:35 AM | ریاستی خبریں | ان خبروں کو پڑھنا مت بھولئے |

کولار،31؍مئی(ایس او نیوز) 25؍جون سے ایس ایس ایل سی امتحانات منعقدہوں گے اورپوری حفاظت اوراحتیاط کے ساتھ امتحان کی کارروائی مکمل کی جائے گی، یہ بات ریاستی وزیربرائے بنیادی وثانوی تعلیم ایس سریش کمار نے کہی، انہوں نے آج یہاں ضلع پنچایت میٹنگ ہال میں کولار چکبالاپور اضلاع کے افسروں کااجلاس طلب کرکے ایس ایس ایل سی امتحان کی تیاریوں کاجائزہ لیا۔

اس موقع پر انہوں نے اخباری کانفرنس سے خطاب کرتے ہوئے کہاکہ محکمہ تعلیم بچوں کی حفاظت پرخصوصی توجہ دے گا، اور امتحان کے دوران سوشیل ڈسٹینسنگ کوترجیح دی جائے گی۔انہوں نے کہاکہ ریاست میں جملہ 8.5لاکھ طلبا ایس ایس یل سی امتحان لکھیں گے، جنہیں ماسک فراہم کئے جائیں گے اوراسکاؤٹس اینڈ گائیڈس ادارہ نے ماسک فراہم کرنے کی ذمہ داری قبول کی ہے۔ اسی طرح ریڈکراس تنظیم اوردیگر نجی اداروں نے بھی سینی ٹائزر فراہم کرنے کاتیقن دیاہے۔ پورے 4.5ہزار امتحانی مراکز میں تھرمل اسکیان کیاجائے گا۔

وزیر تعلیم نے کہاکہ امتحان کے دوران کسی بچہ کی صحت خراب ہوئی تو اسے الگ کمرے میں امتحان لکھنے کاموقع فراہم کیاجائے گا۔ کورونا وائرس سے متاثرہ علاقوں میں امتحان مراکز قائم نہیں کئے جائیں گے۔سریش کمارنے مزید کہاکہ حکومت نے عدالت کوتیقن دیاہے کہ امتحان میں حصہ لینے والے طلبہ کو ٹرانسپورٹیشن کی سہولت فراہم کی جائے گی۔ جس کیلئے کے ایس آرٹی سی کے عہدیداروں سے بات چیت کی گئی ہے اورنجی تعلیمی اداروں کے اسکول،وین بھی بچوں کو امتحانی مراکز لانے استعمال کئے جائیں گے۔

انہوں نے بتایاکہ ہاسٹل کے طلبا اور مزدوروں کے بچوں کو ان کے رہائشی علاقوں کے اسکول میں ہی امتحان لکھنے کاموقع فراہم کیاجائے گا۔ انہوں نے ایک سوال کے جواب میں بتایاکہ آن لائن کلاسس کاسلسلہ بہت پہلے سے چل رہاہے مگر لاک ڈاؤن کے دوران جوچھوٹے بچوں کیلئے آن لائن کلاس چلانے کا ڈھونگ رچاجارہاہے وہ ناقابل برداشت ہے، انہوں نے کہاکہ 6سال کی عمرکے بچوں کیلئے کسی بھی طرح کے آئن لائن کلاس منعقد نہ کئے جائیں ماہرین صحت نے رپورٹ دی ہے، چھوٹے بچوں کیلئے آن لائن کلاس چلانے والوں کے خلاف کارروائی کی جائے گی۔

اس موقع پر کے جی ایف کی رکن اسمبلی روپا ششی دھر،ضلع پنچایت صدر سی ایس وینکٹیش سی ای او ایچ وی درشن، چکبالاپور ضلع پنچایت کی سی ای او فوزیہ ترنم اوردیگر موجود تھے۔

ایک نظر اس پر بھی

کرناٹک کے بلاری ضلع میں کورونا سے مرنے والوں کی غیر مہذب تدفین کا واقعہ انسانیت سوز: ایس ڈی پی آئی

 سوشیل ڈیموکریٹک پارٹی آف انڈیا (ایس ڈی پی آئی)کرناٹک شاخہ نے بلاری ضلع میں کورونا سے مرنے والوں کی انتہائی غیر مہذب تدفین کے واقعہ کی شدید مذمت کرتے ہوئے اسے انسانیت سوز قرار دیا ہے۔

سرسی کی ڈاکٹر مبارک النساء تونسے نے حاصل کی کینسر کے علاج میں سوپر اسپیشالٹی کی ڈگری 

سرسی کے معروف سماجی قائد جناب عباس تونسے کی دختر ڈاکٹر مبار ک النسا ء نے ایک لائق تحسین کارنامہ انجام دیتے ہوئے دوائی کے ذریعے کینسر کا علاج (میڈیکل آنکولوجی) کے شعبے میں خصوصی مہارت (سوپر اسپیشالٹی) کی تربیت مکمل کرتے ہوئے ڈی ایم کی ڈگری حاصل کی ہے۔

بھٹکل: ہر اتوار کو ہوگامکمل لاک ڈاؤن،5 جولائی سے ہوگا نائٹ کرفیو، شب 8بجے سے صبح 5بجے تک مکمل بند

ضلع شمالی کینرا کے ڈپٹی کمشنر ڈاکٹر ہریش کمار نے اپنے ایک  اخباری بیان میں کہا ہے کہ کورونا وباء کی بگڑتی ہوئی صورت حال کے پیش نظر ریاستی حکومت نے لاک ڈاؤن قوانین میں مزید سختی برتنے کا فیصلہ کیا ہے۔جس کے تحت آئندہ 5جولائی سے 2 اگست تک ہر اتوار کے دن ضلع بھر میں مکمل لاک ڈاؤن رہے ...