ہبلی 19/اگست(ایس او نیوز): شہر کے اے پی ایم سی دفتر کے قریب سڑک عبور کرنے والے ایک راہ گیر کو ایک تیز رفتار موٹر سائیکل نے ٹکر مار دی جس کے نتیجے میں موٹر سائیکل سوار اور راہگیر دونوں کی موت واقع ہو گئی۔

مرنے والوں میں بائک پر سوار شخص کی شناخت مکتوم اور پیدل چلنے والے شخص کی شناخت باسو کے نام سے ہوئی ہے۔

ذرائع کے مطابق مکتوم تیز رفتاری کے ساتھ موٹر سائیکل چلا رہا تھا اے پی ایم سی دفتر کے قریب اس کی بائک روڈ کراس کرنے والے باسو سے ٹکرا گئی، ٹکر لگتے ہی مکتوم بھی بائک سمیت گرگیا جس سے وہ خود بھی شدید زخمی ہوگیا اور بہت زیادہ خون بہہ جانے کی وجہ سے اس نے موقع پر ہی دم توڑ دیا، راہگیر کو جب علاج کے لیے اسپتال لے جایا جارہا تھا تو اس نے راستے میں ہی دم توڑ دیا۔

اے پی ایم سی نواں نگر پولس اسٹیشن میں مقدمہ درج کیا گیا ہے۔ تحقیقات جاری ہے.