حکومت کے سافٹ ویئرز کے ٹمپلیٹ کنڑا میں تیار کئے جائیں گے: وزیر اعلیٰ بومئی
بنگلوروو ، 19؍مئی (ایس او نیوز) ریاستی وزیر اعلیٰ بسواراج بومئی نے بتایا کہ حکومت کے متعلق سافٹ ویئرز میں ٹمپلیٹ کنڑا زبان میں رہنے کے احکامات جاری کئے جائیں گے۔ یہاں محکمہ انتظامیہ سدھار وعملہ (ای +انتظامیہ) کی جانب سے کنڑا ڈیولپمنٹ اتھارٹی کے تعاون سے منعقد کیا ۔ کنڑا اسکیم کو قوم کے نام منسوب کرتے ہوئے وزیر اعلیٰ نے یہ جانکاری دی۔
انہو ں نے کہا کہ تمام کنڑیگاؤں کے تعاون سے کنڑا زبان کی ترقی کی جائے گی اور آنے والی نسل کی سہولت کی خاطر ہر ایک زاویہ سے کنڑا زبان کی ترقی کے اقدامات کئے جائیں گے۔ انہو ں نے کہا کہ جدید دور میں ٹکنالوجی کے ساتھ زبان کی ترقی ضروری ہے اور صرف ٹکنالوجی کے ذریعہ کنڑا زبان کی ترقی ممکن ہے،اس لئے اب حکومت کے تمام سافٹ ویئر میں ہر ایک جانکاری کنڑا میں حاصل ہوگی۔
اس موقع پر کنڑا ڈیولپمنٹ اتھارٹی کے صدر ڈاکٹر ٹی ایس ناگا بھرنا، وزیر اعلیٰ صلاح کار برائے ای۔ انتظامیہ بیلور سدرشن ودیگر حاضر رہے۔