بھٹکل کے بیلنی میں سانپ کے ڈسنے سے ایک شخص کی موت
بھٹکل 18/مارچ (ایس او نیوز) یہاں تعلقہ کے بیلنی میں کام کرنے کے دوران اچانک سانپ کے ڈسنے سے ایک شخص کی موت واقع ہوگئی جس کی شناخت نارائن کوپّیا دیواڑیگا (45) کی حیثیت سے کی گئی ہے۔
بتایا گیا ہے کہ کل سنیچر شام کو کوپیّا بیلنی کے ایک باغ میں کام کررہا تھا کہ ایک سانپ نے ڈس لیا، جس سے وہ وہیں نیچے گرگیا،مقامی لوگوں نے فوری طور پر اسے بھٹکل سرکاری اسپتال پہنچایا ، جہاں سے اُسے کنداپور منتقل کیا گیا تھا، مگر آج اتوار صبح وہ زخموں کی تاب نہ لاکر چل بسا۔
بھٹکل مضافاتی پولس تھانہ میں معاملہ درج کیا گیا ہے اور پی ایس آئی روی معاملے کی چھان بین کررہے ہیں۔