لوک سبھا کے شمالی کینرا سے بی جےپی امیدوار کافیصلہ ہوچکا ہے: وشویشور ہیگڈے کاگیری
سرسی :17؍ جنوری (ایس اؤ نیوز )لوک سبھا انتخابات کے پیش نظر شمالی کینرا حلقہ سے بی جےپی کا امیدوار کون ہوگا ہماری پارٹی کے لیڈران فیصلہ لےچکےہیں، بہت جلد اس کا اعلان کریں گے۔شمالی کینرا سے لوک سبھا ٹکٹ کے خواہش مند ، ودھان سبھا کے سابق اسپیکر وشویشورہیگڈے کاگیری نے ان خیالات کا اظہار کیا۔
سرسی میں اخبارنویسوں سے گفتگو کرتےہوئے کاگیری نےکہاکہ وزیر اعظم نریندر مودی اور پارٹی لیڈران کی طرف سے دی گئی ہدایات پر اترکنڑا لوک سبھا حلقہ میں اپنی سرگرمیوں کو انجام دے رہاہوں۔ روزانہ حلقہ بھر کا سفر کرتارہتاہوں ، شمالی کینرا سے بی جےپی امیدوار کی جیت یقینی ہونےکی بات کہی۔ کاگیری نے کہاکہ پارٹی لیڈران کی ہدایات پر ہی حلقہ کا دورہ کرتےہوئے پارٹی کو بنیادی سطح سے منظم کررہاہوں۔ پارٹی کے لئے کام کررہاہوں۔جب ایم پی اننت کمارہیگڈےچار برسوں کے بعد عوامی سطح پر سرگرم نظر آنے پر پوچھے گئے سوال پر کاگیری نے بڑی چالاکی سے جواب دیتےہوئےبس اتنا کہاکہ پچھلے کئی برسوں سے منتخب ہونے والے ہمارے ایم پی اننت کمارہیگڈے کیسے ہیں، کیا کرتے ہیں سب کچھ حلقہ کے عوام اچھی طرح جانتےہیں ، اس تعلق سے میں کچھ زیادہ بات نہیں کرنا چاہتا۔ انہوں نے کہاکہ اننت کمارکے بیان پر کوئی ، کچھ بھی کہے لیکن میرا کوئی ردعمل نہیں ہے۔ اگلے لوک سبھا کاٹکٹ کاگیری کو ہی دئیے جانے کےمتعلق جاری بحث کے دوران کاگیری کا یہ بیان عوام کے درمیان بحث کا موضوع بن گیا ہے۔ ایم پی کے خلاف کچھ نہ کہتے ہوئے ، ان کی بیان بازی سے دور ی برتی ہے۔ کیا کاگیری اپنی سیاسی چالاکی سے آخری مرحلے میں ٹکٹ حاصل کرپائیں گے دیکھنا ہوگا۔