سرسی :11؍ جنوری  (ایس اؤ نیوز ) جعلی مارکس کارڈ تیارکرکے، اسی کو اصلی بتاتے ہوئے فریب سے دیہی پوسٹ ملازم کا عہدے پر منتخب ہونے والے 14افراد کے خلاف پوسٹ آفیسر منجوناتھ رامپا دوڈمنی نے نیو مارکیٹ پولس تھانہ میں شکایت درج کی ہے۔

دھوکہ دہی سے ملازمت حاصل کرنےوالوں کی شناخت گرومٹکل ضلع یادگیری کے موہن رُکّا نایک(24)، گوکاک ضلع بیلگام کے ہنومنت بھیمپا مدیہلی (21)، مگھل کھوڈ ، رائے باگ ضلع بیلگام کے وٹھل بسپا ہوسور(31)، گوکاک کے دُنڈپا رامپا آشیروٹی(23)، روی مہادیوپا دڈّی(26)،چنداپور ضلع کلبرگی کے شرن کمار موتی لال(26)، نڈگونڈی ،بسون باگیواڑی ضلع وجئے پورا کے سریش شیوپا کُڈگی (28)، سچن ماروتی بھجنتری (27)،آکاش شری نواس بھجنتری(26)، ستیش موتی لال پوار(31)،انکلگی ، ضلع وجئےپورا کے موہن نام دیو چوان (31)،تکوٹا، وجئے پورا کے دلیپ دھن سنگھ پوار(28)،  وجئے پورا کی ممیتا بابو راتھوڈ(29)، ونایک نگر ، باگلکوٹ کی امرتا اروند بابو نایک(25)کے طورپر کی گئی ہے۔ اور ان کے خلاف جعلی دستاویزات کے ذریعے سرکاری ملازمت حاصل کرنےکا الزام عائد کرتےہوئے پولس تھانہ  میں شکایت درج کی گئی ہے۔

سبھی 14لوگوں کے متعلق پتہ چلا ہے کہ انہوں نے جعلی دستاویزات کو اصلی بتاکر دھوکہ دے کرمحکمہ پوسٹ میں سرکاری ملازمت حاصل کی ہے۔ جیسے ہی  معاملے کا پتہ چلا پوسٹ آفیسرمنجوناتھ دوڈمنی نے نیو مارکیٹ پولس تھانہ میں شکایت درج کرائی ۔ کیس درج کرلینے کے بعد پی ایس آئی رتنا کُری نے ملزموں کی گرفتاری کے لئے جال بچھایاہے۔