بھٹکل :28؍ ستمبر(ایس اؤ نیوز)پی یو تعلیمات عامہ محکمہ اُڈپی اور گرین ویلی پی یو کالج شرور کے اشتراک سے منعقدہ اُڈپی ضلعی سطح کے پی یوکالج طلبا فٹ بال ٹورنامنٹ میں گرین ویلی پی یوکالج  کی فٹ بال ٹیم بہترین مظاہرہ پیش کرتےہوئے ریاستی سطح کے لئے منتخب ہوئی ہے۔

27ستمبر 2022کو گرین ویلی پی پو کالج میں منعقدہ پی یوکالج  ضلعی سطح کے فٹ بال ٹورنامنٹ کاکنداپور کے ڈی وائی ایس پی شری کانت کے نے افتتاح کرتےہوئےنیک خواہشات کا اظہارکیاتھا۔ افتتاحی تقریب میں گرین ویلی پی یو کالج کے پرنسپال ڈاکٹر جان میاتھیو، چیف کوآرڈینیٹر مینا میاتھیو ، محکمہ تعلیمات عامہ کے کھیل کوآرڈینیٹر دنیش کمار، تعلقہ افسر سکھیش کمار شٹی وغیرہ موجود تھے۔

گرین ویلی پی یوکالج کی فٹ بال ٹیم بیندور تعلقہ کی نمائندگی کرتےہوئے بہترین کھیل کا مظاہرہ پیش کیا اور ضلعی سطح پر اول مقام حاصل کرتےہوئےریاستی سطح کے لئے منتخب ہوئی ہے۔ اڈپی تعلقہ کی ٹیم نے دوسرامقام حاصل کیا تو لڑکیوں کےزمرےمیں کاپو تعلقہ اول اور اُڈپی تعلقہ دوم مقام پایا۔