شکیب الحسن کو ملی ’بدتمیزی‘ کی سزا، 3 میچوں کے لیے لگی کھیلنے پر پابندی

Source: S.O. News Service | Published on 13th June 2021, 1:24 PM | اسپورٹس |

ڈھاکہ، 13؍جون (ایس او نیوز؍ایجنسی) بنگلہ دیش کے مشہور آل راؤنڈر شکیب الحسن نے گزشتہ دنوں کرکٹ کے میدان پر بدتمیزی کا مظاہرہ کر کے نہ صرف اس کھیل کو شرمسار کیا بلکہ اپنے ملک کی شرمندگی کا بھی سبب بنے۔ شکیب کی اس بدتمیزی کے لیے انھیں سزا دیے جانے کا اعلان بھی کر دیا گیا ہے اور کہا گیا ہے کہ وہ آئندہ تین میچوں میں نہیں کھیل پائیں گے۔

دراصل شکیب الحسن نے گزشتہ دنوں ڈھاکہ پریمیر لیگ کے ایک میچ میں امپائر کے ساتھ غلط رویہ اختیار کیا اور میدان پر کافی غصے میں بھی نظر آئے۔ بنگلہ دیش کرکٹ بورڈ نے ان کی اس حرکت کے لیے نہ صرف اس لیگ کے تین میچوں میں کھیلنے پر پابندی عائد کر دی ہے بلکہ پانچ لاکھ روپے کا جرمانہ بھی لگایا ہے۔ حالانکہ اس سلسلے میں بنگلہ دیش کرکٹ بورڈ نے کوئی آفیشیل بیان جاری نہیں کیا ہے، لیکن محمڈن اسپورٹنگ کلب کرکٹ کمیٹی کے سربراہ مسعود الزماں کے حوالے سے اس کی تصدیق میڈیا میں آ رہی ہے۔

مسعود الزماں نے شکیب معاملے میں کہا ہے کہ ’’بورڈ کی جانب سے کوئی خط جاری نہیں کیا گیا ہے، لیکن ہمیں پتہ چلا ہے کہ امپائر کمیٹی نے 3 میچوں کی پابندی کی سفارش کی ہے۔ ظاہری طور پر شکیب کا رویہ قابل قبول نہیں تھا، لیکن ساتھ ہی ہمیں یہ پتہ لگانا ہوگا کہ ایسا کیوں ہوا۔‘‘

بہر حال، اپنے خراب رویہ کے لیے شکیب الحسن نے ذاتی فیس بک پیج پر معافی مانگ لی ہے۔ انھوں نے لکھا ہے ’’پیارے خیر خواہو اور چاہنے والو، میں ان سبھی سے معافی مانگتا ہوں جنھیں میچ میں میرے سلوک سے دکھ پہنچا ہے۔ میرے جیسے تجربہ کار کرکٹر سے یہ بالکل بھی امید نہیں کی جاتی ہے، لیکن کبھی کبھی میچ کے کشیدہ ماحول میں ایسا ہو جاتا ہے۔ میں سبھی ٹیموں، ٹورنامنٹ میں شامل سبھی افسران اور انعقاد کمیٹی سے ایسی غلطی کے لیے معافی مانگتا ہوں۔ مجھے امید ہے کہ میں مستقبل میں اس طرح کا کام نہیں کروں گا۔‘‘

ایک نظر اس پر بھی

آئی پی ایل فائنل میں چنئی نے دی کولکاتا نائٹ رائڈرس کو شکست، چنئی بنا چوتھی مرتبہ آئی پی ایل چیمپئن

سلامی بلے باز ڈو پلیسسز (86) کی بہترین نصف سنچری کے ساتھ روبن اتھپا کے (31) اور معین علی کے (ناٹ آؤٹ37) کی جارحانہ اننگز کے نتیجے میں چنئی سپر کنگس نے کولکاتا نائٹ رائڈرس کو  27 رنوں سے شکست دے دی اور چوتھی بار آئی پی ایل چمپئن بننے کا فخر حاصل کرلیا۔ 

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...

چنئی نے ریکارڈ بنایا، نویں بار آئی پی ایل کے فائنل میں پہنچی، دہلی کو دی شکست

دبئی میں کھیلے گئے کوالیفائنگ مقابلہ میں چنئی سپر کنگس (سی ایس کے) نے دہلی کیپیٹلس کو شکست دے کر فائنل میں اپنی جگہ بنا لی ۔ سی ایس کے کپتان دھونی نے ایک شاندار پاری کھیلتے ہوئے چھہ گیندوں میں 18 رن بنائے اور آخری گیند پر چوکا لگاکر ٹیم کو جیت دلائی۔رابن اتھپا اور رتو راج ...