کانتاراج کمیشن رپورٹ کو قبول اور اس پر عمل درآمد کرنے اور مسلمانوں کو 2Bریزرویشن 8%فیصد کرنے کا مطالبہ، بنگلورمیں ایس ڈی پی آئی کا احتجاجی دھرنا
بنگلورو،10/اکتوبر(پریس ریلیز/ایجنسی) سوشیل ڈیموکریٹک پارٹی آف انڈیا کے ریاستی صدر عبدالمجید /نے کل بنگلورو کے فریڈم پارک میں اپنے خطاب میں کہا کہ کرناٹک حکومت کو کانتار اج کمیشن رپورٹ کو قبول کرنے اور اس پر عمل در آمد کرنے اور مسلمانوں کو 2Bریزرویشن 8%فیصد کرنے کے مطالبے کو لیکر پارٹی پانچ روزہ مہم چلارہی ہے۔ مہم کے پہلے دن فریڈم پارک میں ایک روزہ دھرنا دیا جارہا ہے۔برسر اقتدار کانگریس حکومت نے الیکشن مہم کے دوران پسماندہ طبقات سے کہا تھا اگر وہ اقتدار میں آئیں گے تو کانتار اج رپورٹ کو نافذ کریں گے، اسی طرح مسلمانوں کے لیے 2Bریزرویشن بحال کریں گے، لیکن کانگریس اس وعدے کو پورا نہ کرکے دھوکہ کررہی ہے۔ عبدالمجید نے مزید کہا کہ اس احتجاجی دھرنے میں قومی مفکرین، سماجی کارکنان، دلتوں کے رہنما، تنظیمیں، سیاسی رہنما، خواتین رہنما، مذہبی رہنماء اور پسماندہ طبقات کے نمائندے شریک ہیں اور ہمارے مطالبات کی حمایت کررہے ہیں۔ ایس ڈی پی آئی ریاستی جنرل سکریٹری بی آر بھاسکر پرساد نے احتجاجی دھرنے میں اپنے خطاب میں سوال کیا کہ سدارامیا حکومت پر کون دباؤ ڈال رہا ہے کہ وہ سماجی انصاف اور لوگوں کے تمام طبقات کے بہتری کے لیے کانتا راج کمیشن کی رپورٹ کو قبول نہ کرے اور اسے منظر عام پر نہ لائے؟۔ ایس ڈی پی آئی کے اس احتجاجی دھرنے میں پارٹیوں کے مختلف رہنماؤں نے خطاب کیا اور مختلف تنظیموں کے رہنماؤں اور کارکنوں نے شرکت کی اورتقاریر کیں۔ احتجاجی دھرنے میں ایس ڈی پی آئی ریاستی صدر عبدالمجید، ریاستی جنرل سکریٹریان بی آر بھاسکر پرساد،افسر کوڈلی پیٹ، قومی کمیٹی کے رکن عبدالحنان، صدااتحاد کے ریاستی صدر مجاہد علی بابا، بہوجن تحریک کے یوتھ لیڈر سدھارتھ آنند ملور، ریاستی کمیٹی کے اراکین مجاہد پاشاہ، ریاض کڈامبو ووغیرہ موجود تھے۔ بنگلور ساؤتھ صدرمحبوب پاشاہ، جنرل سکریٹری سلیم احمد، بنگلور نارتھ صدر وسیم احمد، جنرل سکریٹری شکیل باشاہ، نائب صدر راجیش، ویمن انڈیا موؤمنٹ (WIM) کی ضلعی صدر محترمہ عائشہ اور ایس ڈی پی آئی ضلعی کمیٹی ممبر مزمل پاشاہ اور دیگر حامیان اور کارکنان موجود رہے۔