بنگلور،30؍اکتوبر (ایس او نیوز) بنگلور وکے میسور بینک سرکل پر سوشل ڈیموکریٹک پارٹی آف انڈیا (ایس ڈی پی آئی ) کرناٹک کی جانب سے پرزور احتجاج کیا گیا جس میں پارٹی کے لیڈر افسر کوڈلیپیٹ نے الزام عائد کیا کہ گزشتہ کئی دنوں سے تریپورہ میں مسلمانوں کی نسل کشی کی جارہی ہے اور کئی عبادتگاہوں کو نظر آتش کیا گیا ہے۔ احتجاج کے دوران افسر نے افسوس ظاہر کیا کہ تریپورہ میں ہوئے فساد پر انتظامیہ اور پولیس خاموش تماشائی بنی دکھائی دے رہی ہے۔
اس موقع پر افسر کوڈلیپیٹ نے مطالبہ کیا کہ فساد مچانے والے غنڈوں پر سخت کارروائی کی جائے اور تشدد کے شکار مظلومین کو مناسب معاوضہ دجا جائے۔
یاد رہے کہ تریپورہ میں بی جے پی کی حکومت ہے اور چند دنوں سے تریپورہ کے چند علاقوں میں مسلمانوں پر تشدد کی وارداتوں کی خبریں میڈیا کے ذریعے سامنے آرہی ہیں اور تشددمیں کئی لوگوں کی جانیں بھی جانے کی اطلاعات ہیں ۔