بابا بڈھن گری معاملے میں ایس ڈی پی آئی اور حضرت سید سرور چشتی کی قانونی امداد کا اعلان

Source: S.O. News Service | Published on 14th October 2021, 11:36 AM | ریاستی خبریں |

بنگلورو،14؍اکتوبر  (ایس او نیوز؍پریس ریلیز) سوشیل ڈیموکریٹک پارٹی آف انڈیا  کی جانب سے بنگلوروکے کنگ پیالیس میں ڈیلی گیٹس میٹ کا انعقاد کیا گیا۔ جس میں بطور خصوصی مہمانان جناب سید سرور چشتی گدی نشین درگاہ اجمیر شریف، جناب سید غوث محی الدین، شاہ قادری سجادہ نشین درگاہ بابا بڈھن گری اور جناب عبد الحنا ن ریاستی صدر ایس ڈی پی آئی اور ایس ڈی پی آئی ریاستی جنرل سکریٹری افسرکوڈلی پیٹ نے  خطاب  کیا۔  مجاہد پاشاہ نے استقبالیہ تقریرکی  اور  مزمل پاشا ہ نے نظامت کے فرائض انجام دیئے، سلیم احمد نے تمام مہمانوں کا شکریہ ادا کیا۔ایس ڈی پی آئی ریاستی صدر عبد الحنان نے ملک کے نوجوانوں اور تمام طبقات سے اپیل کی کہ دستور اور سیکولرزم کی حفاظت کے لیے متحد ہوکر تمام عوام کو بیدار کرتے ہوئے اپنی اپنی سطح پر کمیٹیاں اور انجمن تشکیل دے کر سیاسی اور سماجی ذمہ داریوں کا بوجھ آپس میں تقسیم کرکے زعفرانی شرارتوں سے ہوشیار رہتے ہوئے امن اور انصاف کو قائم رکھنے والی اس ایس ڈی پی آی کی تحریک میں شامل ہوکر مسلسل جدوجہد جاری رکھنے کی اپیل کی۔ سجادہ نشین اجمیر شریف درگاہ جناب سید سرور چشتی نے اپنے مخصوص خطاب میں ملک کی موجودہ حالات کا جائزہ لیتے ہوئے سیاسی اور سماجی خودمختاری کی اہمیت سے آگاہ کرایا اور بابا بڈھن گری درگاہ کے معاملے میں تمام قانونی کاروائیوں کو کسی بھی حالت میں آخرتک کا انجام تک لے کر جانے کی ترغیب دی۔ سجادہ نشین سرور چشتی نے اپنی تقریر میں ایس ڈی پی آئی کی کووڈ کے زمانے کی فلاحی اور رفاہی کاموں کے علاوہ  بنگلور،کے جی ہلی اور ڈی جے ہلی کے متاثرین کی قانونی اور مالی امداد کی بہت ہی ستائش اور ہمت افزائی کی۔ ایس ڈی پی آئی نے این آئی اے کی طر ف سے داخل کردہ یو اے پی اے اور دیگر سخت دفعات کے خلاف قانونی کارروائیوں میں کامیابی حاصل کی ہے۔ سینکڑوں مظلومین کی ضمانت میں رہائی کروائی ہے اور ان کے گھریلو پریشانیوں کوحل کرنے کی خاموش کوشش میں لگی ہوئی ہے۔جناب سید غوث محی الدین سجادہ نشین بابا بڈھن گری درگاہ اور افسر کوڈلی پیٹ نے بابابڈھن گری درگاہ کے معاملے میں جو قانونی کاروائیاں چل رہی ہیں اور بقیہ جو معاملات مکمل ہونی ہے اس پر تفصیل سے معلومات فراہم کئے اور عوام الناس کو بابا بڈھن گری درگاہ معاملے میں انصاف حاصل کرنے کی جدوجہد کا حصہ بننے کی اپیل کی۔

ایک نظر اس پر بھی

چکمگلورو میں کووڈ گائیڈلائنس کی خلاف ورزی کا معاملہ؛ ’رتھ اُتسوا‘ منعقد کرنے کے الزام میں پجاری سمیت دیگر 8 کے خلاف معاملہ درج

کرناٹک پولیس نے کووڈ-19 کے پیش نظر جاری ڈپٹی کمشنر کے احکامات کی خلاف ورزی کرتے ہوئے ’رتھ اُتسوا‘ تقریب منعقد کرنے والے ایک پجاری سمیت 9 لوگوں کے خلاف ایف آئی آر درج کی ہے۔ مذہبی پروگرام کا انعقاد 17 جنوری کو چکمگلورو کے کدور تعلقہ کے سکھارایپٹن میں کیا گیا تھا۔

کوروناکے معاملات میں مسلسل اضافہ۔ رام نگرم ضلع کا کووڈ ہاٹ اسپاٹ ہونا خود عوام کو ستانے لگا

پچھلے دنوں ریاست بھر میں کووڈ کی تیسری لہرکے دوران اور اومیکرون کے تیزی سے پھیلنے کے باوجود ضلع میں کووڈ کے مریضوں کی تعداد کم ہی نظرآرہی تھی،مگر پچھلے ایک ہفتے سے کووڈ کے مریضوں کی تعداد میں اضافہ ہواہے۔

بنگلورو: 19سے زیادہ جرائم معا ملات میں ملوث ملزم راہل کو پو لیس نے گو لی چلا کرکیا گرفتار

منشیات کے دھندہ سمیت جرائم کے19معا ملات میں ملوث ہوکر عدالت سے8مرتبہ وارنٹ جاری ہو نے کے باوجود پو لیس کو چکمہ دے کر فرار ہو رہے غنڈہ راہل پر گو لی چلا کر ہنو منت نگر پو لیس گرفتار کر نے میں کامیاب رہی۔

بنگلورو میں کووڈ کے بڑھتے معا ملات، سلیکان سٹی ڈینجر سٹی میں تبدیل ہوتادکھا ئی دے رہا ہے

بنگلورو شہر میں روزانہ کووڈ کے معا ملات میں اضافہ کے پیش نظر سلیکان سٹی ڈینجر سٹی کے طور پر تبدیل ہوتے دکھا ئی دے رہا ہے۔آنے والے دنوں میں شہر میں کووڈ کے معا ملات میں مزید اضافہ کے خدشات ہیں۔کل شہر میں کووڈ کے 23ہزار معاملات درج ہو ئے تھے،جس سے شہریوں میں خوف کا ماحول دکھا ئی ...