بھٹکل27 فروری (ایس او نیوز) اسکوٹر سوار کی موقع پر ہی موت واقع ہوگئی جب اس کی اسکوٹر بےقابو ہوکر ایک پرائیویٹ بس کے پچھلے حصے سے ٹکرا گئی ۔ حادثہ مرڈیشور ناکہ نیشنل ہائی وے پر پیش آیا۔
مہلوک کی شناخت ضلع ہاویری کے ہنگل کے رہائشی نیلپّا کٹی منے (32) کے طور پر کی گئی ہے۔ وہ اپنی ایکٹیوا پر سوار اُڈپی جارہا تھا جس کے دوران یہ حادثہ پیش آیا۔ پتہ چلا ہے کہ نیشنل ہائی وے فورلائن کا کام اس طرف رُکا ہوا ہے جس کے نتیجے میں بالخصوص دو پہیوں والی سواریاں چلانے والے اکثر دھوکہ کھاجاتے ہیں اور گاڑی بے قابو ہوکر حادثے کا شکار ہوجاتی ہے۔
مرڈیشور پولس تھانہ میں معاملہ درج کیا گیا ہے۔