پرائمری وہائی اسکول کے لئے دو وقتی نظام تعلیم ؛ تعلیمی سال برائے 21-2020 کا نظام الاوقات جاری
بنگلورو، 16؍ مئی (ایس او نیوز) کرناٹک سکینڈری ایجوکیشن ایگزمنیشن بورڈ ( کے ایس ای ای بی ) نے لاک ڈاؤن ختم ہونے کے بعد ریاست کے تمام پرائمری اور ہائی اسکولوں میں اختیار کئے جانے والے رہنما خطوط جاری کئے ہیں، اس کے ساتھ نئے تعلیمی سال برائے 21-2020 کا نظام الاوقات بھی جاری کیا گیا ہے۔ اس سلسلہ میں ریاست کے تمام اسکولوں کو ثانوی تعلیم بورڈ کی جانب سے جاری سرکلر میں دو شفٹوں میں (دو وقتی ) نظام تعلیم پر زور دیا گیا ہے اسی کے تحت ٹائم ٹیبل جاری کیا گیا ہے۔ اس ٹائم ٹیبل کے تحت ہر دن صبح 7:50 سے دوپہر 12:20 تک اور دوپہر 12:10 سے شام 5 بجے تک دوسرے مرحلہ کی تعلیم ہوگی۔ اسکولوں کو چاہئے کہ وہ اس کے مطابق اپنا نظام الاوقات ترتیب دیں۔ اساتذہ بھی کسی ایک باری میں ڈیوٹی انجام دے سکتے ہیں۔
اس سے قبل ہفتہ میں پی ای ، آرٹس، سنگیت ، کمپیوٹر، لائبریری و دیگر غیر نصابی سرگرمیاں چلتی تھیں مگر اب ان سرگرمیوں کو نصاب سے ہٹادیا گیا ہے۔ اس کی وجہ سے ہفتہ بھر کی 45 گھنٹیاں گھٹ کر 36 گھنٹیاں باقی رہ گئی ہیں۔ اساتذہ کی قلت کا مسئلہ درپیش ہے تو مہمان اساتذہ مقرر کر لیا جاسکتا ہے۔ ہر دن صبح اسکولوں میں اسمبلی کے وقت طلبہ لازمی طور پر ماسک پہنے ہیں یا نہیں اس کی تصدیق میر معلّم کی جانب سے کر لی جائے ، کھانے سے قبل اور بعد میں پھر یبت الخلائ سے ہرکر آنے کے بعد صابن سے ہاتھ دھونے کے سلسلہ میں طلبہ میں بیداری لائی جائے، کھانے اور کھیلتے وقت سماجی فاصلہ کو یقینی بنانے پر طلبہ کو ترغیب دی جائے۔ کلاس روم میں سماجی فاصلہ کو یقینی بنانے کی ہدایت دی گئی ہے۔ہر ٹیبل میں تین سے زائد طلبہ نہ بیٹھیں ۔
کلاسز کا نظام الاوقات اس طرح ہے۔ پہلی شفٹ میں صبح 7:50 سے 8:00 بجے تک اسمبلی ہوگی 8:00 سے 9:20 تک دو پریڈ ہوں گے، 9:20 سے 9:40 تک انٹرول (وقفہ ) ہوگا، پھر 9:40 سے 12:20 تک چار پریڈ ہوں گے ۔
دوسری شفٹ کا ٹائم ٹبیل اس طرح ہے۔ دوپہر 12:10 سے 12:30 تک اسمبلی کا وقت ہوگا۔ 12:30 سے 1:50 دو پریڈ ہوں گے، دوپہر 1:50 سے 2:20 تک کھان کیلئے وقفہ ہوگا ، پھر 2:20 سے شام 5 بجے تک چار پریڈ ہوں گے۔