بھٹکل 25 جنوری (ایس او نیوز) بھٹکل کے قاضی صاحبان مولانا عبدالرب خطیب ندوی اور مولانا خواجہ معین الدین اکرمی مدنی کی دعاوں کے ساتھ نوائط کالونی، بالمقابل تعلقہ اسٹڈیم، ساحل آن لائن کے نئے دفتر کا افتتاح عمل میں آیا۔

ساحل آن لائن کے ڈائرکٹرجناب عتیق الرحمن مُنیری نے پہلے ربن کاٹ کر دفترکا افتتاح کیا، پھر مولانا خواجہ معین الدین اکرمی مدنی کی تلاوت کلام پاک اورمولانا عبدالرب خطیب ندوی کی دُعاوں کے بعد ذمہ داران قوم نے اپنے اپنے تاثرات پیش کئے اورمیڈیا کی اہمیت اور اس کی ضرورت پر زور دیتے ہوئے ساحل آن لائن کو مضبوط کرنے کے عزم کا اعادہ کیا۔

اس موقع پر قومی سماجی ادارہ مجلس اصلاح و تنظیم کے صدر جناب عنایت اللہ شاہ بندری، انجمن انجینرنگ کالج سکریٹری جناب محی الدین رکن الدین، دبئی جماعت کے سکریٹری اول جناب عمران خطیب سمیت ساحل آن لائن کے دیگر ڈائرکٹرس جاوید حُسین ارمار، فوّاز سُکری، عنایت اللہ گوائی، سید ابوبکر مالکی، ندیم مصباح،  مبشر ہلارے، صفوان موٹیا، امین ذُھیب دامودی، فیاض ایم جے،  یونس رکن الدین و دیگر ذمہ داران اور ساحل آن لائن کے دیگر اسٹاف وغیرہ موجود تھے۔