سڑکوں پر غنڈہ گردی کرنے والوں کو غنڈہ فہرست میں شامل کرنے بینگلورو پولیس کمشنر کی ہدایت
بینگلورو، 14/اگست(ایس او نیوز/ایجنسی) بینگلورو شہر میں معمولی بات کو لے کر سڑکوں پر گاڑیوں کو زبردستی روک کر عوام کے ساتھ غنڈہ گردی کر کے عوام کو ڈرا دھمکا نے والے غنڈہ عناصر کو پولیس تھانوں کی غنڈہ فہرست میں شامل کرنے پولیس کمشنر بی دیانند نے پولیس افسران کو ہدایت دی ہے۔
حال ہی میں ورتور اور وہائٹ فیلڈ علاقوں کی حدود میں راستہ نہ چھوڑنے کی بات کو لے کر کار کو زبردستی روک کر سافٹ ویر انجینئر پر غنڈہ عناصر نے جھگڑا کیا تھا، اس معا ملہ کو پولیس کمشنر نے سنجیدگی کے ساتھ لے کرسڑکوں پر گاڑیوں کو زبردستی روک کر عوام کو دھمکانے والے عناصر کے حلاف سخت قانونی کارروائی کر نے کے لئے پولیس کمشنر نے اپنے ٹویٹ میں اس بات کی ہدایت دی ہے۔انہوں نے اپنے ٹویٹ میں کہا ہے کہ غنڈہ عناصر کی سرگرمیوں پر کڑی نظر رکھی جائے، غنڈہ عناصر کے گروپوں کے درمیان ہونے والے جھگڑو ں پر بھی کڑی نظر رکھنے اسسٹنٹ پولیس کمشنرز او ر متعلقہ پولیس تھانوں کے انسپکٹرس کو ہدایت دی ہے۔
چند دن قبل بینگلورو شہر کی پرا پنا اگرہارا جیل سے ضمانت پر رہا ہونے والے غنڈہ سداپور کے مہیش کو جیل سے رہا ہونے کے چند ہی منٹوں میں قتل کر دیا گیا تھا، اس کے علاوہ ڈی جے ہلی سے قریب مڑیوال کے غنڈہ کپل کا بھی قتل کر دیا گیا تھا۔ غنڈہ عناصر کے قتل کے معا ملات کے پیش نظر پولیس کمشنر نے اپنے دفتر کے آڈیٹوریم میں پولیس انسپکٹرس اوراسسٹنٹ پولیس کمشنرز کے ساتھ اجلاس طلب کیا تھا،اس موقع پر کمشنر نے غنڈہ عناصر کے پرانے معا ملات کی تفصیلات حاصل کر تے ہو ئے پرانے معا ملات میں عدالت سے جاری غیر ضمانت وارنٹ پر فوری عمل کر تے ہو ئے انہیں گرفتار کرکے عدالت کے سامنے پیش کرنے کی ہدایت دی۔انہوں نے کہا کہ غنڈہ عناصر کے ٹھکانوں اوران کے اقتصادی سرگرمیوں پر کڑی نظر رکھتے ہو ئے تفصیلات حاصل کرنے کی بھی پولیس افسران کو ہدایت دی۔انہوں نے افسران کو حکم دیا کہ وہ غنڈہ عناصر کے خلاف اپنی خصوصی مہم میں تیزی لائیں۔
اجلاس میں جوائنٹ پولیس کمشنر(کرائم) ڈاکٹر ایس ڈی شرنپا اور سنٹرل کرائم برانچ(سی سی بی) کے ڈپٹی کمشنر بدری ناتھ حاضر رہے۔