افغانستان: صوبہ غزنی میں بم دھماکا،6 شہری ہلاک

Source: S.O. News Service | Published on 12th July 2020, 9:53 PM | عالمی خبریں |

کابل،12؍جولائی(ایس او نیوز؍ایجنسی) افغانستان کے مشرقی صوبہ غزنی میں سڑک کے کنارے نصب بم کے دھماکے میں خواتین اور بچوں سمیت چھ شہری ہلاک اور آٹھ زخمی ہوگئے ہیں۔

صوبہ غزنی کے گورنر کے ترجمان وحیداللہ جمعہ زادہ نے بتایا ہے کہ یہ بم دھماکا ہفتے کی سہ پہر ضلع جگ ہاتو میں ہوا ہے اوران مسافروں کی گاڑی سڑک کے کنارے نصب بم سے ٹکرانے کے بعد تباہ ہوگئی ہے۔

فوری طور پر کسی گروپ نے اس بم حملے کی ذمہ داری قبول نہیں کی ہے لیکن جمعہ زادہ نے طالبان پر اس کا الزام عاید کیا ہے۔طالبان اس صوبے میں متحرک ہیں اور بعض اطلاعات کے مطابق اس کے بہت سے علاقوں پر ان کا کنٹرول ہے۔

گذشتہ بدھ کو غزنی کے ضلع دیاک میں سڑک کے کنارے نصب بم کے دھماکے میں ضلعی پولیس افسر اور ان کے دو محافظ ہلاک ہوگئے تھے۔ طالبان نے اس بم حملے کی ذمے داری قبول کرنے کا دعویٰ کیا تھا۔

اس کے دو روز بعد جمعہ کو افغان وزارت دفاع نے یہ اطلاع دی تھی کہ مشرقی صوبہ لوگر کے ضلع عذرا میں افغان فوجیوں نے طالبان کے مختلف حملے پسپا کردیے ہیں۔ مزاحمت کاروں نے ضلع کے بعض علاقوں میں واقع فوج کے چیک پوائنٹس پر حملے کیے تھے۔بیان میں بتایا گیا تھا کہ جوابی کارروائی میں آٹھ طالبان جنگجو ہلاک اور چار زخمی ہوگئے تھے۔

طالبان اور افغان فورسز نے حالیہ دنوں میں ملک کے مختلف علاقوں میں ایک دوسرے پر حملوں اور تشدد کے واقعات میں اضافے کے الزامات عاید کیے ہیں جبکہ طالبان اور افغان حکومت کے درمیان براہ راست امن مذاکرات کی بحالی کے لیے بھی کوششیں جاری ہیں۔

طالبان نے افغان فورسز پر اپنے گھروں پر حملوں کا الزام عاید کیا ہے۔ان کا کہنا ہے کہ افغان فورسز ان کے خاندانوں کو حملوں کو نشانہ بنا رہی ہیں جبکہ کابل حکومت نے طالبان پر افغان شہریوں اور سکیورٹی فورسز پر حملے تیز کرنے کا الزام عاید کیا ہے۔

ایک نظر اس پر بھی

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...

غزہ : پیراشوٹ نہ کھلنے سے امدادی سامان فلسطینیوں پر گرگیا، 5افراد جاں بحق

یہاں ہیلی کاپٹر کے ذریعے امدادی سامان پھینکنے کے دوران ایک بھاری پیکٹ پیرا شوٹ نہ کھلنے کی وجہ سے امداد کے منتظر فلسطینی خاندان پر گر گیا جس میں 5 افراد جاں بحق ہو گئے جبکہ 10سے زائد زخمی بتائے جارہے ہیں۔ اردن کی فوج کے ایک اہلکار نے نام نہ ظاہر کرنے کی شرط پر اے ایف پی کو بتایا کہ ...