بھٹکل ٢٠ فروری (ایس او نیوز) تعلقہ کے وینکٹا پور پل کے قریب نیشنل ہائی وے پر چلتے اسکوٹر کو ٹپر لاری نے پیچھے سے ٹکر ماردی۔ جس کے نتیجہ میں موٹرسائیکل سوارجو شدید طور پر زخمی ہوا تھا اگلے دن زخموں کی تاب نہ لاکر منی پال اسپتال میں دم توڑ دیا۔ حادثہ اتوار کو ہوا تھا، اگلے روز یعنی پیر کو زخمی شخص کی موت واقع ہوگئی ۔
متوفی اسکوٹر سوارکی شناخت، اُترا کوپّا گولی کمبری کا ساکن پی ٹی چاچوچن(65) کی حیثیت سے کی گئی ہے۔
پتہ چلا ہے کہ ٹِپّر لاری بھٹکل سے مرڈیشور کی طرف جارہی تھی، جبکہ اسکوٹر پرسوار پی ٹی چاچون بھی بھٹکل سے مرڈیشور کی طرف جارہا تھا کہ وینکٹاپور بریج کے قریب ٹِپر لاری تیز رفتار ی کے ساتھ اسکوٹر سے ٹکراگئی۔ حادثے میں اسکوٹر سوار پی ٹی چاچون کو شدید زخمی حالت میں بھٹکل سرکاری اسپتال میں ابتدائی طبی امداد کے بعد منی پال کے کستوربا اسپتال شفٹ کیا گیا تھا، مگراگلے روز یعنی پیر کو خبر ملی کہ اسپتال میں ہی اس نے دم توڑ دیا ہے۔
اس سلسلے میں متوفی کی بیوی نے بھٹکل دیہی پولیس اسٹیشن میں ٹپر ڈرائیور کے خلاف مقدمہ درج کرایا ہے۔