کرناٹک میں تازہ کورونا معاملات میں غیر معمولی کمی
بنگلورو،27؍اکتوبر(ایس او نیوز) کرناٹک میں کورونا وائرس متاثرین کی تعداد میں پیر کے روز غیر معمولی گراوٹ دیکھنے میں آئی۔ گزشتہ 24گھنٹوں کے دوران ریاست بھر میں کورونا وائر س سے 3130افراد متاثر ہوئے اور ریاست میں اس کے ساتھ ہی متاثرین کی تعداد بڑھ کر 805947ہو گئی۔
محکمہ صحت کی طر ف سے جاری اعداد و شمار کے مطابق شہر بنگلور و میں 1603افراد کورونا سے متاثر ہوئے۔ اس کے علاوہ ریاست کے مختلف اسپتالوں سے 8715افراد صحت یاب ہو کر رخصت ہوئے۔ گزشتہ دو تین دنوں سے ریاست میں کورونا وائرس سے متاثر ہونے والوں کی تعدادکے مقابل صحت یاب ہونے والوں کی تعداد میں اضافہ ہو رہا ہے۔ کرناٹک میں اب کورونا سے متاثر ہونے والوں کے فعال معاملات کی تعداد 75423ہے۔
ریاست میں گزشتہ 24گھنٹوں کے دوران کورونا وائرس سے 42افراد کی موت ہوئی جبکہ شہر بنگلورو میں 20افراد مارے گئے۔ کورونا وائرس سے مرنے والوں کی تعداد میں بھی غیر معمولی کمی واقع ہوئی ہے۔ ریاست میں اب تک کورونا وائرس سے مرنے والوں کی تعداد بڑھ کر 10947تک جا پہنچی ہے۔ پچھلے تین دنوں سے ریاست میں 5ہزار سے کم کووڈ کے معاملے درج ہورہے ہیں۔اب تک صحت یاب ہو کر ڈسچارج ہونے والوں کی تعداد 7,19,558 ہے۔ بنگلورو میں آج 1603تازہ معاملے سامنے آئے ہیں۔بنگلور میں اب تک متاثرین کی تعداد 3,27,376ہے۔آج بروز پیر جنوبی کنڑا ضلع مں ے 153، داونگرے میں 124، میسور میں 139، چترادرگہ میں 86، ہاسن میں 98، وجئے پور میں 63تازہ معاملے سامنے آئے ہیں۔