تھمپو،13؍جولائی(ایس او نیوز؍ایجنسی) بھوٹان میں کورونا وائرس (کووڈ ۔19) وبا سے متاثر مجموعی 82 کیسز میں سے 76 مریضوں کے صحت یاب ہونے سے ملک میں کورونا ریکوری شرح 90 فیصد سے زائد ہوگئی ہے۔ بھوٹان میں وزارت صحت نے اپنی رپورٹ میں یہ اطلاع دی۔ وزارت صحت کی اس رپورٹ کے مطابق ملک میں کورونا مثبت ایکٹو مریضوں کی تعداد محض چھ رہ گئی ہے۔ ملک میں ابھی تک کورونا انفیکشن سے ایک بھی شخص کی موت نہیں ہوئی ہے۔ گزشتہ 24 گھنٹوں کے دوران ملک میں کوئی بھی کورونا پازیٹو کیس نہیں پائے گیا۔

وزارت نے بتایا کہ جمعہ کے روز وسطی ایشیا سے واپس آنے والی دو مہاجر خواتین کی کورونا جانچ کرنے پر ان کی رپورٹ پازیٹو پائی گئی۔ حکومت نے یکم جولائی سے ملک بھر میں دسویں اور بارہویں جماعت کے طلباء کے لئے اسکول، کالجوں اور تعلیمی اداروں کو کھول دیا ہے، جبکہ باقی طلباء کی آن لائن کلاسز چل رہی ہے۔ وزارت نے خاص طور پر ملک کے جنوبی حصے میں رہنے والے لوگوں سے محفوط رہنے کے لئے خصوصی احتیاط برتنے، سماجی فاصلہ برقرار رکھنے اور دیگر احتیاطی تدابیر اختیار کرنے کو کہا ہے۔