بھٹکل : انجمن ہائی اسکول کے ریان شیخ پول والٹ مقابلے میں نیشنل لیول کے لئے منتخب
بھٹکل:3/ دسمبر (ایس او نیوز) انجمن حامئی مسلمین بھٹکل کے زیر اہتما م چلنے والے اسلامیہ اینگلو اردو ہائی اسکول کے متعلم ریان اسماعیل ابن اسماعیل شیخ پول والٹ چمپنگ میں قومی سطح کے لئے منتخب ہوگئے ہیں، اس بات کی اطلاع ہائی اسکول کے صدر مدرس شبیر احمد شیخ نے پریس ریلیز کے ذریعے دی ہے۔
25تا 27نومبر تک دھارواڑ میں انڈر 17سال کے ہائی اسکول طلبا کے لئے منعقدہ ریاستی سطح کے کھیل مقابلو ں میں ریان شیخ نے اول مقام حاصل کرتے ہوئے قومی سطح کے لئے منتخب ہواہے۔ قومی سطح پر منتخب ہونےکے لئے ریان شیخ کی تربیت کرنے والے ہائی اسکول کے پی ای ٹیچر راجے صاحب ایچ این نے اس موقع پر نہایت خوشی کااظہار کرتے ہوئے مبارکباد پیش کی ہے۔ اسی طرح ریان شیخ کو انجمن کےجنرل سکریٹری اسماعیل صدیق، ہائی اسکول سکریٹری عبدالواجد کولا،دیگر عہدیداران ، صدر مدرس، اساتذہ اور غیر تدریسی عملے نے بھی مبارکبادی پیش کرتے ہوئے نیک تمناؤں کااظہار کیا ہے۔