سرسی:02؍فروری (ایس او نیوز)جماعت اسلامی ہند سرسی کی جانب سے ہائی اسکول اور کالج  طلبا کے لئے منعقدہ  تعلقہ سطح کے مضمون نویسی مقابلےمیں کالج لیول پر انیش این بھنڈار کر اور ہائی اسکول سطح پر ودیا پی ملیناڑدو نے اول انعام حاصل کیاہے۔ جمعہ کو سرکاری اردو ہائی اسکول ہال میں منعقدہ انعامی تقریب میں مضمون نویسی مقابلے میں جیت حاصل کرنےو الے طلبا کوانعامات سے نوازاگیا۔

کالج سطح پر انعامات حاصل کرنےو الوں کی تفصیل کچھ اس طرح ہے۔ اول ۔ انیش این بھنڈارکر، ایم ای ایس پی یو کالج  سرسی۔ دوم۔سومیترا بابو شیٹھ ، ماری کامبا سرکاری پی یوکالج سرسی  اور سوم انعام پریا وجئے نائک ،شری دیوی کالج ہلیکل کو انعام سے نوازاگیا۔ ہائی اسکول لیول پر  ملیناڑو ہائی اسکول داسنکوپا کی طالبہ ودیا پی اول۔ این ایس پی ہائی اسکول گڈناپور کے نتیا نند بی دوم اور گجانن ہائی اسکول مانلی کی رشمی ہیگڈے نے سوم انعام حاصل کیا۔ اسی طرح تتکشا بھٹ، نینا آچاری، ائیتا گوڈا، کیرتی نائک، سومیا ہیگڈے ، شاکرہ حمید ، پریتی گوڈا، اپوروا بھنڈارکر، پرتیما نائک، نویا مڈیوال، پشپا گوڈا، امرتا ایس کے ، رکشتانائک، عالیہ عبدالرووف، وجیتا ایم ہیگڈے ، نسرگا کلکرنی ، سوچیترا مکری، دویا مراٹھی ، مزنہ کوثر، انیتا نائک کو تشجیعی انعام سے نوازاگیا۔

تقریب میں انعامات کی تقسیم کرنے کے بعدخطاب کرتے ہوئے سوموکھ ٹی وی کے مدیر سبرائے بھٹ بکل نے کہاکہ طلبا نصاب کے ساتھ ساتھ متعلقہ نصابی سرگرمیوں میں شریک ہوکر اپنی شخصیت کو ابھاریں۔ طلبا زندگی میں مختلف مذاہب کا مطالعہ کرتے ہوئے اپنے مستقبل کو سنوارنے کی تلقین کی۔ آل انڈیاٹیچرس اسوسی ایشن کے ریاستی سکریٹری محمد رضامانوی نے حضرت محمد ﷺ انسانیت کے عظیم رہنما کے عنوان پر بزبان کنڑا خطاب کرتےہوئے حضورﷺ کی تعلیمی اور سماجی تعلیمات پر روشنی ڈالی۔ مہمان خصوصی کی حیثیت سے سرکاری اردو ہائی اسکول کے صدر مدرس اننت کورور نے بھی اپنے خیالات کا اظہار کیا۔ جماعت اسلامی ہند اترکنڑاضلع کے ناظم محمد طلحہ سدی باپا نے تقریب کی صدارت کی۔ سرسی کے مقامی امیر عبدالمنان نے افتتاحی کلمات پیش کئے اور آخر میں شکریہ اداکیا۔ استاد آصف نے نظامت کے فرائض انجام دئیے۔