کینیڈا: چرچ میں دعائیہ تقریب کے دوران پادری پر چاقو سے حملہ

Source: S.O. News Service | By Shahid Mukhtesar | Published on 24th March 2019, 12:13 PM | عالمی خبریں |

مانٹریال ؍ لندن24مارچ (ایس او نیوز؍ آئی این ایس انڈیا ) کینیڈا کے شہر مانٹریال میں جمعہ کے روز ایک سفید فام شخص نے ایک چرچ ہونے والی دعائیہ تقریب کے دوران پادری پر حملہ کر دیا۔ پولیس اور سیکیورٹی عملے نے حملہ آور کو حراست میں لے لیا ہے۔

مانٹریال کی پولیس ترجمان کیرولن شیفرویز نے بتایا ک پولیس نے چرچ میں پادری پر چاقو سے حملہ کرنے والے مشتبہ شخص کو گرفتار کرنے کے بعد تفتیش کے لیے متعلقہ حکام کے حوالے کر دیا ہے۔

حکام کا کہنا ہے کہ چرچ میں دعائیہ تقریب کے دوران چاقو کے حملے سے پادری معمولی زخمی ہوا ہے۔ اسے اسپتال منتقل کیا گیا ہے جہاں اس کی حالت خطرے سے باہر بیان کی جاتی ہے۔

پولیس کی ترجمان نے عینی شاہدین کے بیانات کے حوالے سے بتایا کہ پادری گرجا گھر میں مذہبی رسومات کی انجام دہی میں مصروف تھا کہ اچانک ایک شخص اس کی طرح بڑھا اور چاقو سے حملہ کر کے اسے زخمی کردیا۔

ادھر کیتھولک چرچ کی ترجمان سیلین باربو نے بتایا کہ جس گرجا گھرمیں پادری کو زخمی کیا گیا وہ کینیڈا کے اہم ترین گرجا گھروں میں سے ایک ہے جب کہ زخمی ہونے والے پادری کی شناخت پوپ کلود گرو کے نام سے کی گئی ہے۔ اس واقعے کے دوران چرچ میں 50 افراد موجود تھے۔

یہ واقعہ مقامی وقت کے مطابق صبح ساڑھے آٹھ بجے پیش آیا اور اس کی ایک فوٹیج بھی سوشل میڈیا پر فورا پوسٹ کردی گئی تھی۔ پولیس نے چرچ میں حملے کی خبر ملتے ہی علاقے کو گھیرے میں لے کر ملزم کو گرفتار کرلیا۔ کینیڈا ریڈیو کے مطابق پادر پرحملہ آور شخص سفید فام اور طویل القامت شخص ہے۔ اس کی مزید شناخت سامنے نہیں لائی گئی۔

ایک نظر اس پر بھی

سبزی باغ پٹنہ کا احجاج 38ویں روز بھی جاری، ’سی اے اے سے ملک کا صرف نقصان ہوگا‘

 سی اے اے این آر سی او ر این پی آر کے خلاف دار الحکومت پٹنہ میں مسلسل 38ویں دن بھی دھرنا و احتجاج جاری ہے۔ شاہین باغ کے بعد سبزی باغ دھرنے کا آغاز ہوا تھا اور مسلسل 38 دن سے دھرنا و احتجاج جاری و ساری ہے۔

ترکی: بغاوت کے الزام میں 101 فوجی افسران کے وارنٹ گرفتاری جاری  

ترکی میں 2016 کی ناکام بغاوت کے الزام میں مزید 695 افراد کو حراست میں لینے کا حکم نامہ جاری کر دیا گیا ہے۔ جس میں 101 حاضر سروس فوجی افسران بھی شامل ہیں۔خبر رساں ادارے نے ترکی کے سرکاری خبر رساں ادارے کے حوالے سے بتایا ہے کہ حکومت نے 157 فوجی افسران کے وارنٹ گرفتاری بھی جاری کیے ہیں، جن ...

  اور اب کرونا وائرس سے ہلاکت 1868 سے پار !!! متاثرہ افراد کی مجموعی تعداد 72 ہزار 436 تک پہنچی

چین میں کرونا وائرس سے مزید 98 افراد کی ہلاکت کے بعد اس وائرس سے مرنے والوں کی مجموعی تعداد 1868 ہو گئی ہے۔چین کے محکمہ نیشنل ہیلتھ کے مطابق منگل تک کرونا وائرس کے مزید 1886 نئے کیسز سامنے آئے ہیں۔ وائرس سے متاثرہ افراد کی مجموعی تعداد 72 ہزار 436 تک پہنچ چکی ہے جن میں بیشتر کا تعلق صوبہ ...