بی جے پی کا فرقہ وارانہ وائرس کورونا وائرس سےبھی زیادہ مہلک ہے: ویلفیئر پارٹی آف انڈیا
بنگلورو، 10؍مئی (ایس او نیوز؍پریس ریلیز) کوویڈ کو قابو رکھنے میں ناکام ہوئی ریاستی حکومت کی ناکامی کو چھپانے کیلئے رکن پارلیمان تیجسوی سوریہ فرقہ وارانہ نفرت کی سیاست کررہے ہیں۔یہ الزام ویلفیئر پارٹی آف انڈیا نے لگایا ہے۔
پریس ریلیز جاری کرتے ہوئے انہوں نے الزام لگایا کہ ممرکز اور ریاستی بی بی ایم پی میں بی جے پی اقتدار چلا رہی ہے۔ ویلفیئر پارٹی کا اصرار ہے کہ کوویڈ وار روم کی قیادت کرنے والے نائب وزیر اعلیٰ اشوت نارائن ، وزیر صحت ڈاکٹرسدھاکر ، وزیر ریونیو آراشوک یہ تمام وزراء بیڈدھندے کے لئے راست ذمہ دار ہیں۔ ان تمام وزراءکو اخلاقی طور پر اپنا استعفی دینا چاہئے۔ بی جے پی کا فرقہ وارانہ وائرس کورونا وائرس سے بھی زیادہ مہلک ہے۔فرقہ وارانہ نفرت کے ذریعہ بی جے پی وزراء اس پر سیاست کر رہے ہیں۔ ویلفیئر پارٹی آف انڈیا کے صدر طاہر حسین نے حکومت سے فوری طور پر اعلیٰ سطح کی تحقیقات کا آغاز کرنے کی اپیل کی ہے۔