بنگلور، 14/ اکتوبر (پریس ریلیز/ایس او نیوز) مرکز تحفظ اسلام ہند کے ڈائریکٹر محمد فرقان نے اخباری نمائندوں سے گفتگو کرتے ہوئے بتایا کہ ملک کے ممتاز عالم دین، آل انڈیا مسلم پرسنل لا بورڈ کے سکریٹری اور مرکز تحفظ اسلام ہند کے سرپرست حضرت مولانا محمد عمرین محفوظ رحمانی صاحب دامت برکاتہم بروز اتوار 15/ اکتوبر 2023 سے بروز جمعرات 19/ اکتوبر 2023ء تک کرناٹک کے دورے پر رہیں گے۔ اس دوران وہ کئی اضلاع میں منعقد ہونے والے کانفرنسوں اور جلسوں میں شرکت فرمائیں گے اور مختلف دینی اداروں کا دورہ بھی کریں گے۔

نظام العمل کے مطابق 15 /اکتوبر کو چوکی پیٹ، داونگرے میں بعد نماز مغرب جمعیۃ علماء داونگرے کے زیر اہتمام منعقد جلسہ سیرت النبی و اصلاح معاشرہ سے خطاب فرمائیں گے اور اسی دن دوپہر 2:30 بجے انجمن کالج ہال، بھگت سنگھ نگر، داونگرے میں مستورات اور طالبات سے خطاب فرمائیں گے۔ 16/ اکتوبر کی صبح 11:30 بجے سے مجلس تحفظ ختم نبوت چکمگلور کے زیر اہتمام منعقد مسجد اعظم، چکمگلور میں منعقد جلسہ تفہیم شریعت، دوپہر 2:30 بجے کونپور کلا مندر، چکمگلور میں اسکول و کالج کے طلباء و اساتذہ سے اور بعد نماز مغرب مسجد جامعہ، چکمگلور میں منعقد اجلاس عام سے خطاب فرمائیں گے۔

17/ اکتوبر کی صبح سری رنگاپٹن اور میسور کا دورہ کریں گے، اور رات بعد نماز مغرب جامع مسجد، نوائط واڑی، ہاسن میں منعقد اصلاح معاشرہ کانفرنس سے خطاب فرمائیں گے۔ 18/ اکتوبر سے شہر گلستان بنگلور کے بڑے مدارس کا دورہ کریں گے۔بعد نماز فجر جامع العلوم بنی کپے بنگلور، صبح 9:30 بجے جامعہ تعلیم القرآن راگے ہلی بنگلور، بعد نماز ظہر دارالعلوم شاہ ولی اللہ بنگلور، بعد نماز عصر مدرسہ اصلاح البنات بنگلور کا دورہ فرمائیں گے۔ اور اسی دن بعد نماز مغرب مرکز تحفظ اسلام ہند کے زیر اہتمام مسجد حاجی اسماعیل سیٹھ فریزر ٹاؤن بنگلور میں منعقد عظیم الشان تحفظ شریعت کانفرنس سے خطاب فرمائیں گے۔ پھر 19/اکتوبر بروز جمعرات کو بعد نماز فجر دارالعلوم سبیل الرشاد بنگلور اور بعد نماز ظہر جامعہ اسلامیہ مسیح العلوم بنگلور کا دورہ فرمائیں گے۔

مرکز تحفظ اسلام ہند کے ڈائریکٹر محمد فرقان نے ریاست کرناٹک کے تمام مسلمانوں سے اپیل کی کہ وہ موجودہ حالات کو مد نظر رکھتے ہوئے حضرت مولانا محمد عمرین محفوظ رحمانی صاحب کے مختلف مجالس میں شرکت فرماکر انکے قیمتی مواعظ حسنہ سے استفادہ حاصل کریں۔