بینگلورو، 14/اگست (ایس او نیوز/ایجنسی)   ملک بھر میں 15 اگست 2023 بروز منگل  کو  77ویں یوم آزادی کا جشن منایا جائے گا۔ تقریبات  کے لئے صدر مقام بینگلورو  کے فیلڈ مارشل مانک شاہ پریڈ گراؤنڈ میں تمام تیاریاں مکمل ہوچکی  ہیں۔

یوم آزادی کی تقریبات کی تیاریوں کا جا ئز ہ لینے کے بعد بروہت بنگلور مہا نگر پا لیکے(بی بی ایم پی) کمشنرتشار گری ناتھ،بنگلور شہری ضلع کے ڈپٹی کمشنر کے وی دیاننداور پولیس کمشنربی دیانند نے مشترکہ اخباری کانفرنس کے دوران  بتایا کہ 77ویں یوم آزادی تقریبات کیلئے اس مربتہ8ہزار افراد پریڈ کا نظارہ کریں گے،جس کے لئے میدان میں انتظامات کئے گئے ہیں۔ انہوں نے بتا یا کہ مانک شاہ پریڈ گراؤنڈ کو مکمل طور پر خوبصورت بنا یا گیا ہے،گزشتہ ایک ہفتہ سے میدان میں فلیگ مارچ اور ثقافتی پروگرامس کا ریہرسل جاری ہے۔کے ایس آر پی، اسکاؤڈ اینڈ گائیڈ،این سی سی،سیوا دل اور مختلف اسکولوں کے جملہ1,350افراد کی38ٹیمیں فلیگ مارچ میں حصہ لے رہی ہیں۔

بتا یا گیا ہے  کہ مختلف اسکولوں کے طلبہ کی ٹیمیں اور سرکاری اسکولوں کے 1,600 طلبا پریڈ کے لئے تیاریوں میں مصروف ہیں۔ بروہت بنگلور مہا نگر پالیکے اور بنگلور شہری ضلع انتظامیہ کی جانب سے یوم آزادی تقریبات کا اہتمام کیا گیا ہے۔  صبح8.55بجے ریاستی وزیر اعلیٰ سدارامیا پریڈ گراؤنڈ پہنچیں گے اورصبح9بجے قومی پر چم لہرا نے کے بعد پریڈ کی سلامی لیں گے اور ریاستی عوام کو اپنا پیغام دیں گے۔

پریڈ میں کے ایس آر پی،سی آر پی ایف،بی ایس ایف،کے ایس آئی ایس ایف،ٹرافک پو لیس،وومنس پولیس سمیت36 دستوں کے 1,650افراد حصہ لیں گے۔ پریڈ میدان میں تحفظ اور بندوبست کے لئے100خفیہ کیمرے نصب کئے گئے ہیں اور2بیا گیج ا سکینرس بھی رکھے گئے ہیں۔تشار گری ناتھ نے بتا یا کہ یو م آزادی تقریبات کے نظارہ کیلئے میدان پہنچنے والی اہم شخصیات کیلئے اس مرتبہ 8ہزار کر سیوں کا  انتظام کیا گیا ہے۔

انہوں نے بتا یا کہ اہم شخصیات کیلئے 1,200، مجاہدین آزادی،فوجی افسران کے لئے75اور مختلف محکمہ جات کے افسران اور سابق فوجی افسران کیلئے2,500 کرسیوں کا انتظام کیا گیا ہے۔جبکہ عوام کا داخلہ نہیں رہے گا۔انہوں نے بتایا کہ تقریب کا راست نشر دور درشن کے ذریعہ کیا جا ئے گا۔ اس کے علاوہ ویب کیاسٹ کے ذریعہ بھی پروگرام دیکھنے کی سہو لت فراہم کی جا ئے گی۔ تقریب کے موقع پر ناڈا اور کسان گیت پیش کیا جا ئے گا۔

پو لیس کمشنربی دیا نندنے بتا یا کہ یو م آزادی تقریب کے موقع پر کوئی بھی نا خوشگوار واقعہ رونما نہ ہو، اس کے لئے درکار اقدامات کئے گئے ہیں۔  پریڈ کے موقع پر میدان کے اندر اور اس کے اطراف و اکناف پو لیس کا سخت بندو بست کیا گیا ہے۔پو لیس کمشنر نے بتا یا کہ پولیس بندوبست کے لئے 2اڈیشنل پو لیس کمشنرس،9 ڈپٹی کمشنر آف پولیس(ڈی سی پی)،15 اسسٹنٹ کمشنرس آف پو لیس(اے سی پی)،43پو لیس انسپکٹرس،110پو لیس سب انسپکٹرس،14خاتون پو لیس سب انسپکٹرس،72اسسٹنٹ پو لیس سب انسپکٹرس(اے ایس آئی)، 600کانسٹیبل،77وومنس کانسٹیبل56 پولیس اہلکار کیمروں کے ساتھ اور160سادہ لباس پو لیس اہلکار سمیت جملہ1,902پو لیس اہلکاروں کو بندوبست کے لئے تعینات کیا جا ئے گا۔

انہوں نے بتا یا کہ میدان کے اندر اور باہر جملہ100سی سی ٹی وی کیمرے نصب کئے گئے ہیں،ا س کے علاوہ100بیاگیج اسکیانرس بھی لگائے گئے ہیں۔ ان کے علاوہ کے ایس آر پی کے10اورسی اے آر کی9ٹکڑیوں کی خدمات حاصل کی گئی ہیں،سیول پو لیس افسران،ہو م گارڈس ڈٹراف وارڈنس کو بھی بندوبست کے لئے استعمال کیا جا ئے گا۔انہوں نے بتا یا کہ ہنگا می حالت سے پٹنے کے لئے فائر سرویس کی گا ڑیاں اور ایمبو لینس گاڑیوں کو تیار رکھا جا ئے گا۔اس کے علاوہ گروڈا پو لیس فورس کے جوان کو بھی تعینات کیا جا ئے گا۔

پو لیس کمشنر نے بتایا کہ مجا ہدین آزادی،اہم شخصیات،فوجی جوان،بی ایس ایف،اعلیٰ افسران اور میڈیا کے افراد جنہیں پاس جاری کئے گئے ہیں، انہیں جس گیٹ سے داخلہ کی اجازت دی گئی ہے اسی گیٹ کے ذریعہ میدان کے اندر داخل ہوں۔انہوں نے بتا یا کہ پریڈ گراؤنڈ آنے والے افراد غیر ضروری لگیج اور دیگر چیزیں نہیں لا سکتے،اجنبی افراد کا پتہ لگنے پر فوری پو لیس افسران کو اطلاع دینے کی گزارش کی۔پو لیس کمشنر نے بتا یا کہ میدان پہنچنے والے افراد سگریٹ،ماچس باکس،ویڈیو اور اسٹیل کیمرے،پانی کی بوتل،پٹا خے، دھماکہ آموز اشیاء نہیں لا سکتے۔ ٹرافک پر قابو پانے کیلئے3ڈپٹی کمشنرز،6اسسٹنٹ پولیس کمشنرز،22 انسپکٹرس،31سب انسپکٹرس، 124 اسسٹنٹ سب انسپکٹرس،107ہیڈ کانسٹیبل اور کانسٹیبل تعینات کئے جائیں گے۔

اخباری   کانفرنس میں جوائنٹ پو لیس کمشنر (ٹرافک)انو چیت،اڈیشنل پو لیس کمشنر (ویسٹ)ستیش کمار سمیت دیگر اعلیٰ افسران حاضر رہے۔