پٹرول اور ڈیزل کی نمایاں قیمتیں ریکارڈ سطح پر برقرار

Source: S.O. News Service | By I.G. Bhatkali | Published on 28th August 2021, 7:42 PM | ملکی خبریں | ان خبروں کو پڑھنا مت بھولئے |

نئی دہلی،28/اگست (آئی این ایس انڈیا)   پٹرول ڈیزل کی قیمتوں میں آج مسلسل چوتھے دن یعنی 28 اگست 2021 کو کوئی تبدیلی نہیں ہوئی۔ خوردہ آئل مارکیٹنگ کمپنیوں نے ہفتے کے روز ایندھن کی قیمتوں کو گزشتہ قیمتوں پر برقرار رکھا۔ سرکاری شعبے کی پٹرولیم کمپنیوں کی قیمتوں کے نوٹیفکیشن کے مطابق دہلی میں پٹرول کی قیمت 101.49 روپئے ہے جبکہ ڈیزل کی قیمت 88.92 روپئے فی لیٹر ہے۔

واضح رہے کہ عام آدمی جو تیل کی اونچی قیمتوں سے پریشان ہے ان کو منگل کو اس وقت تھوڑی راحت ملی جب پٹرول اور ڈیزل دونوں کی قیمتوں میں کمی کی گئی۔ منگل کو پٹرول اور ڈیزل دونوں 15،15پیسے فی لیٹر سستے ہوئے۔چار میٹرو سٹی کی بات کریں تو ممبئی میں پٹرول کی قیمت 107.52 روپئے فی لیٹر ہے جبکہ ڈیزل 96.48 روپئے فی لیٹر پر چل رہا ہے۔ کولکاتہ میں ایک لیٹر پٹرول کی قیمت 101.82 روپئے جبکہ ڈیزل کی قیمت 91.98 روپئے فی لیٹر ہے۔ اسی طرح چنئی میں پٹرول اور ڈیزل بالترتیب 99.20 اور 93.52 روپئے فی لیٹراور بنگلورو میں 104.98 روپئے اور  94.34 روپئے فی لیٹر   فروخت ہو رہے ہیں۔

ایک نظر اس پر بھی

نوجوت سدھو نے سونیا گاندھی کولکھا خط کابینہ میں نئے وزیر بنانے سمیت 13 نکاتی ایجنڈا کیاپیش

پنجاب میں کانگریس کی مشکلات اب بھی کم ہونے کا نام نہیں لے رہی ہیں۔ پنجاب کانگریس کے صدر کے عہدے سے استعفیٰ اور پھر ڈرامائی انداز میں واپس آنے والے نوجوت سنگھ سدھو جنہوں نے اب ایک نیا مطالبہ پیش کیا ہے۔

امریندر سنگھ کی جگہ آپ کو پنجاب کا وزیراعلیٰ بنا رہے ہیں ! راہل گاندھی کے بتاتے ہی روپڑے تھے چرنجیت چننی

چرنجیت سنگھ چننی کو کانگریس پنجاب کا اگلا وزیر اعلیٰ بنا رہی ہے، یہ خبر انہیں راہل گاندھی نے فون پر دی۔ کانگریس کے سابق صدر نے ہفتہ کو اس کال کی وضاحت کی۔ کانگریس ورکنگ کمیٹی کی میٹنگ میں راہل نے کہا کہ جب انہوں نے چننی سے کہا کہ وہ اگلے وزیراعلیٰ ہوں گے تو وہ رو پڑے،چنی کو یقین ...

سرکاری قتل اب ’کنٹریکٹ کلنگ ‘ بن چکی: سنجے راوت

شیوسینا کے رکن پارلیمنٹ سنجے راوت نے اتوار کو مرکزی حکومت پر تحقیقاتی ایجنسیوں کے مبینہ طور پر غلط استعمال کئے جانے پر شدید تنقید کا نشانہ بنایا۔ انہوں نے کہا کہ مہاراشٹرا میں سیاسی حریفوں کو ختم کرنے کے لیے ’حکومتی قتل ‘ کی جگہ اب ’’ کنٹریکٹ کلنگ ‘‘ نے لے لی گئی ہے اوراس ...

راہل گاندھی اورگہلوت کی میٹنگ، پائلٹ کا خیمہ سرگرم۔ راجستھان میں کابینہ میں توسیع اور ردوبدل کے امکانات پر قیاس آرائیاں

سنیچر کو کانگریس ورکنگ کمیٹی  کی میٹنگ کے بعد راجستھان کے وزیراعلیٰ اشوک گہلوت سےان کی رہائش گاہ پر راہل گاندھی کی ملاقات  نے ایک بار پھر راجستھان کے تعلق سے قیاس آرائیوں کا دور شروع  کردیا ہے۔

انٹیلی جنس اور سیکورٹی ادارے آر ٹی آئی کے تحت آتے ہیں یانہیں؟ سپریم کورٹ نے ہائی کورٹ کودیا طے کرنے اختیار

سپریم کورٹ نے سرکارکے انٹیلی جنس اور سیکورٹی اداروں پرحق معلومات ایکٹ (آر ٹی آئی) لاگو ہونے یا نہ ہونے کولے کر اپنافیصلہ دینے کی دہلی ہائی کورٹ کو ہدایت دی ہے ۔

کونکن ریلوے سروس کے مکمل ہوئے31 سال ۔ سورتکل - انکولہ کے درمیان کیا رو - رو سروس کا آغاز 

کونکن ریلوے سروس کے 31 سال مکمل ہونے پر ورچیول جشن منایا گیا اور اس موقع پر سورتکل - انکولہ کے درمیان مال بردار ٹرکس / کنٹینرس  لے جانے والے ٹرکس کی نقل و حمل کے لئے رول آن - رول آف (رو - رو) سروس کا شروع کرنے کا اعلان کیا گیا ۔

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...

چھتیس گڑھ کے وزیراعلیٰ کا آر ایس ایس پر حملہ: کہا،’ وہ فسادات بھڑکاکر شہر تباہ کر یں گے‘

صوبہ کے کوردھاشہر میں فرقہ وارانہ تشدد کے بہانے بی جے پی اور آر ایس ایس کی ذیلی تنظیموں کا احتجاج جاری ہے۔ دریں اثناء ریاست کے وزیر اعلیٰ بھوپیش بگھیل نے آر ایس ایس اور بی جے پی کو آڑے ہاتھوں لیا ہے ۔ وزیر اعلیٰ نے کہاکہ یہ لوگ صرف دو چیزوں میں مہارت رکھتے ہیں۔

اترپردیش مدرسہ ایجوکیشن بورڈ کا فیصلہ مدارس میں اب ریاضی، تاریخ اور سائنس پڑھانا لازمی

اتر پردیش میں سرکاری منظوری والے مدارس کے طلبا کو آئندہ تعلیمی سیشن سے این سی ای آر ٹی نصاب کے مطابق لازمی موضوعات کی شکل میں ریاضی، تاریخ، سائنس اور سماجیات کی بھی تعلیم دی جائے گی۔ یو پی بورڈ آف مدرسہ ایجوکیشن نے مدرسہ ایجوکیشن کو دیگر اسکولوں کی تعلیم کے ساتھ یکساں لانے ...