پارلیمنٹ بجٹ سیشن 31جنوری سے شروع
نئی دہلی،16/جنوری (ایس او نیوز/یو این آئی) پارلیمنٹ کا بجٹ سیشن31جنوری سے شروع ہورہا ہے اور3اپریل تک چلے گا اور اس میں مجموعی طور سے31سیشن ہوں گے -راجیہ سبھا سکریٹریٹ سے موصول سرکاری اطلاع کے مطابق، بجٹ سیشن دو مرحلوں میں ہوگا- پہلا مرحلہ31جنوری سے11فروری تک ہوگا- پہلے دن صدر رام ناتھ کووند دونوں ایوانوں کے مشترکہ اجلاس سے خطاب کریں گے اور اس کے آدھے گھنٹے بعد معاشی سروے پیش کیا جائے گا-اگلے دن یکم فروری کو ہفتہ کے دن وزیر خزانہ سیتارمن لوک سبھا میں بجٹ پیش کریں گی - بجٹ پیش کرنے کے لئے اس دن ہفتہ ہونے کے باوجود پارلیمنٹ میں کام کاج جاری رہے گا-19دن کے درمیانی چھٹی کے بعد 2مارچ کو سیشن کا دوسرا مرحلہ شروع ہوگاجو 3اپریل تک چلے گا-