بھٹکل میں ووٹر بیداری مہم؛ سرکاری افسران نے طلبہ کے ساتھ نکالی ریلی؛ سو فیصد ووٹنگ کویقینی بنانے کی کوششیں

Source: S.O. News Service | By I.G. Bhatkali | Published on 16th April 2024, 12:25 AM | ساحلی خبریں |

بھٹکل 15/اپریل (ایس او نیوز) بھٹکل میں  صد فیصد ووٹنگ کا ٹارگٹ لے کر   اُترکنڑاضلعی انتظامیہ،  ضلع پنچایت، بھٹکل تعلقہ انتظامیہ اور تعلقہ پنچایت کے زیراہتمام  بھٹکل کے سرکاری افسران  نے کالج طلبہ کو ساتھ لے کر  ووٹنگ بیداری مہم  کے تحت شاندار ریلی نکالی اور عوام پر زور دیا کہ وہ  کسی بھی صورت میں اپنی حق رائے دہی کا استعمال کریں  اور اپنے ووٹوں کو ضائع ہونے نہ دیں۔

SVEEP (Systematic Voters Education and Electoral Participation program) کے تحت پیر صبح دس بجے  بھٹکل تعلقہ  انتظامیہ  (منی ودھان سودھا) سے ریلی نکالی گئی، جو نیشنل ہائی وے سے شمس الدین سرکل ہوتے ہوئے  ساگرروڈ پر گھوم کر  گروسُدھیندرا کالج کے میدان پہنچ کر جلسہ میں تبدیل ہوگئی۔ریلی میں سرکاری افسران کے ساتھ ساتھ  کالج کے طلبہ نے کثیر تعداد میں حصہ لیا ااور کالج میدان پہنچ کر اِس انداز میں قطار لگائی کہ اوپر سے دیکھنے پر SVEEP لکھا ہوا نظر آرہا تھا۔

بھٹکل اسسٹنٹ کمشنر ڈاکٹر نیئنا کی قیادت میں بھٹکل تحصیلدار  ناگراج نائیکڈ،  تعلقہ پنچایت ایکزی کوٹیو آفسر پربھاکر چکن منے، بھٹکل ٹاون  میونسپل چیف افسر   شیوانند آلور، جالی  پٹن پنچایت چیف آفسر منجپّا ، بلاک ایجوکیشن آفسر  وی ڈی موگیر ودیگر کئی سرکاری اہلکار موجود تھے۔

اس موقع پر خطاب کرتے ہوئے بھٹکل اسسٹنٹ کمشنر ڈاکٹر نئینا نے بتایا کہ  اسمبلی انتخابات میں بھٹکل میں قریب 79 فیصد ووٹنگ درج کی گئی تھی، مگر  آنے والے لوک سبھا انتخابات میں ہمارا  ٹارگٹ بھٹکل میں  سو فیصدووٹنگ  کرانا ہے۔ معذور لوگوں اور بزرگ لوگوں کو سرکار کی طرف سے ووٹنگ کے لئے سہولیات فراہم کی جارہی ہے اور ایسے لوگوں کو  پولنگ بوتھ آنے کی ضرورت نہیں ہے، پولنگ اہلکار خود گھر پہنچ کر ووٹنگ کرائیں گے۔ دیگر لوگوں  بالخصوص نوجوان ووٹروں کو بڑھ چڑھ کر ووٹنگ میں حصہ لینے کی ضرورت ہے۔ انہوں نے بھٹکل کے عوام  پر زور دیا  کہ وہ ہرحال میں  ووٹ دیں اور اپنا ووٹ ضائع  نہ کریں۔ یاد رہے کہ بھٹکل میں 7 مئی  کو ووٹنگ ہوگی۔

 

ایک نظر اس پر بھی

کمٹہ کے تدڑی میں سیاحوں کی کشتی ڈوبنے کا معاملہ : محکمہ ٹورازم کی کارروائی - 21 ٹورسٹ بوٹس کا لائسنس منسوخ

تعلقہ کے تدڑی موڈنگی میں سیاحوں کی کشتی ڈوبنے کا جو معاملہ پیش آیا تھا اس پر محکمہ سیاحت کی طرف سے کارروائی کی گئی اور غیر قانونی طور پر یا لائسنس کی تاریخ ختم ہونے کے باوجود چلائی جا رہی ٹورسٹ بوٹس کے اجازت نامے عبوری طور پر منسوخ کر دئے گئے۔ 

مرڈیشور بستی مکّی میں جنگلاتی زمین پر قبضہ - وزیر منکال وئیدیا پر اٹھ رہی ہیں انگلیاں - محکمہ جنگلات نے لگائی روک

مرڈیشور بستی مکّی میں موجود اتر کنڑا ضلع انچارج وزیر منکال وئیدیا کی صدارت میں چل رہے بینا وئیدیا اسکول سے متصل جنگلاتی زمین پر ناجائز قبضے کی کوشش کے بعد محکمہ جنگلات نے مداخلت کرتے ہوئے وہاں چل رہی کھدائی اور صفائی کے کام پر روک لگا دی ہے ، مگر اس ناجائز قبضے کے معاملے میں ...

ادیب و شاعر نفرت کی آگ کو گلزار بنانے کا کام کریں: بھٹکل میں منعقدہ شعری نشست میں سالک ندوی ‌کا‌اظہار خیال

وطن عزیز ان دنوں انتہائی اہم دور سے گزر رہا ہے۔ایک طرف تہذیبی جارحیت نے ان ہنگاموں کو نہایت سنگین بنا دیا ہے تو دوسری طرف فرقہ پرستی، تنگ نظری،لسانی عصبیتیں، اور طبقاتی کشمکش عروج پر ہے اور بے چہرگی کی بھیڑ میں انسانوں کا وجود ہی گم ہو گیا ہے۔

بھٹکل کی ہائی ٹیک مچھلی مارکیٹ بن گئی ہے مہاجر مزدوروں، آوارہ جانوروں اور بھکاریوں کا ٹھکانہ؛ کیا یہ ترقی کے نام پر غبن نہیں  ؟

ایسا لگ رہا ہے کہ بھٹکل میں ترقیاتی کاموں کا مطلب  ہی  حکومت کے پیسوں کا غبن کرنا  رہ گیاہے ، ایسا لگتا ہے کہ  یہاں بعض لوگ ایسے ہیں جو حکومت کی مختلف اسکیموں  کے لئے  منطور شدہ رقم  کو چور راستے سے    اپنے نام کروارہے  ہیں جس میں  بھٹکل سنتے مارکٹ کے قریب  تعمیر شدہ  ہائی ٹیک ...

سرسی : کار خریدی کے نام پر بینکوں کو دھوکہ دینے کے الزام تین افراد پر کیس درج 

کار خریدی کے نام پر بینک کو دھوکہ دینے اور نقلی دستاویزات کے ذریعے لاکھوں روپے قرضہ حاصل کرنے کے الزام میں رویش ہیگڑے، وینکٹرمنا گجانن ہیگڑے اور منی کنٹا چندرا شیکھر نائک کے خلاف کیس درج کیا گیا ہے ۔