15 سال کے اسپنر نردیش بیسویا نے رقم کی تاریخ، ایک ہی اننگز میں حاصل کئے 10 وکٹ
نئی دہلی،07/نومبر(آئی این ایس انڈیا) میگھالیہ کے آف اسپنر نردیش بیسویا نے انڈر 16 کے وجے مرچنٹ ٹرافی میں تاریخ رقم کی ہے۔انہوں نے ایک ہی میچ میں 10 وکٹ حاصل کرلئے ہیں۔انہوں نے یہ مقابلہ ناگالینڈ کے خلاف تیج پور میں کھیلا۔
15 سال کا یہ گیند باز میرٹھ کا ہے اور 2 سال پہلے میگھالیہ شفٹ ہو چکا ہے۔نرویش بیسویا کے کوچ کے تعلق سے بتایا گیا ہے کہ ان کو کوچ سنجے رستوگی نے بھونیشور کمار اور پروین کمار کو بھی کوچنگ دی ہے۔
تیج پور میں کھیلے گئے میگھالیہ اور ناگالینڈ کے درمیان میچ میں ناگالینڈ کی پوری ٹیم 113 رنز پر آؤٹ ہو گئی۔ اُس کے جواب میں میگھالیہ نے پہلے دن کا کھیل ختم ہونے تک 4 وکٹوں کے نقصان پر 109 رنز بنا لئے ہیں۔بتا دیں کہ ٹیسٹ میں 10 وکٹ لینے کا ریکارڈ انل کمبلے اور جم لیکر کے نام ہے۔